此奧不是此澳! (奧地利生活, 遊記, 煮食)

2012年2月3日星期五

帶病遊列日市(上)

今次去科隆已經plan咗搵一日去吓其他地方. 咁啱有奧地利報紙介紹比利時列日市Liège(荷蘭文Luik德文Lüttich). 喺Google Earth見呢個城市都幾特別,離科隆只係一個鐘火車. 於是擇咗日一月二十去. 但係未買車飛住,因為想問吓啲德國friends有冇平啲嘅方法去.
科隆去列日真係只有火車. 但係啲friends話喺比利時火車網站買飛會平過DB架. 咁又真係見有平啲喎,可惜個website故障book唔到. 唯有去DB個centre問同一班火車幾錢(DB個網冇show價錢), 價錢同比利時一樣,咁喺度買lu. 四十幾歐來回.

一早出發,九點幾已經到咗Gare des Guillemins火車站. 型爆!!

2012年2月2日星期四

三齣戲

最近我睇咗三齣戲.
第一齣Ghost Rider – Spirit of Vengeance. 我睇嘅係3D版. 講吓佢個3D先. 我覺得唔係好出,大家無謂嘥錢睇3D喇. 第一集我未睇過. 好在佢用咗少少時間交代Ghost Rider嘅出現.

2012年2月1日星期三

賓賓意粉

大家記唔記得我嘅聖誕禮物banana ketchup呢? 終於整咗賓賓意粉喇.
食譜參考以下呢個.
http://www.filipinofoodrecipes.net/spaghetti.htm
份量我唔係好跟佢. 我一路煮一路試味. 都唔係好似. 隔咗夜我先食. 可能隔咗一夜啲腸仔味出咗嚟. 食落好似香港間賓賓快餐食嗰啲呢.

2012年1月31日星期二

設計展

科隆國際傢俱展imm舉行期間其實仲有兩個傢俱嘅覽展. Imm會場附近就有個Design Post.
我鍾意呢個有凌亂感嘅書架.

2012年1月30日星期一

唔知佢做乜

噚日去完教堂,用咗coupon食麥記,就去Stephansdom八八. 因為呢日有位維也納女士會俾追封聖人,教堂會有個宣福禮. (佢已經有第一件神蹟被證實,獲封真福品位)
我對呢個教仲未係好熟,我啲用字啱唔啱呢???

2012年1月29日星期日

豬柳漢堡

記得有blog友之前講過佢住嗰度唔見有English muffins. 講開又係我喺維也納都未見過. 今次喺科隆居然見有,即買.

2012年1月28日星期六

今次係邊個

噚日又有嘢收. 今次係邊個呢? 咪係時不時都寄嘢畀我嘅無聊鬼囉.

2012年1月27日星期五

傢俱展imm

呢個時候去科隆係睇佢一年一度嘅國際傢俱展imm. 年年去,好似傢私舗嗰啲都冇乜點睇.
香港年年都係冇乜睇頭.

2012年1月26日星期四

騙財經過

今集同大家睇吓一宗騙案. 事發時間本月二十號下午三點半,地點係比利時東部列日市Liege. 靚仔受害人去到一間位於R.D'Harscamp 7 嘅郵局想買特別郵票.
大家一齊嚟睇吓案發經過 *受害人聲音經過特別處理.

~試過布魯塞爾買郵票經驗,我驚C佢唔知我想買乜. 所以拎咗張集郵嘅資料, 㩒咗飛,好快三號窗serve我.

2012年1月25日星期三

打開信箱

返到維也納,打開信箱,有嘢收喎. 係blog友毛豆寄嚟架.

2012年1月23日星期一

科隆雜亂記

恭喜發財!
過咗個禮拜半公半私去咗科隆. 年初一晚會坐夜車返維也納.
到步嗰日係星期日朝早九點幾. 諗住買定張週票,但係太早火車站個counter未開. 用機佢又唔收外國卡or信用卡. 咁去邊度搵廿幾歐銀仔去入吖!!! 第二日去住嗰頭間公交customer centre買啦, 又係唔收外國卡or信用卡,要去撳咗錢先. 真係唔方便.