遊客以後冇咁方便

今日做間諜

 今日收到秘密指令要攝取奧地利軍方情報,所以去咗Hofburg國慶(26號)慶祝活動睇睇. 場地好似嘉年華會咁. 奧地利軍方展出咗唔同嘅軍備.

報告: 另外有兩個亞洲間諜

 哈哈! 奧地利海軍最先進登陸艇(奧地利冇海)

奧地利最新買入嘅戰機Eurofighter

音樂之都

好多人話維也納係音樂之都,但係黎旅行淨係見到着古裝嘅人兜售演唱會飛,感受唔到音樂之都.

其實知訂就感受到架喇. 好似喺Stephansdom同 Augustinerkirche, 星期日彌撒好多時都會有弦樂演奏. 禮拜冇街行,聽唔明道理,我都會去教堂聽聽音樂演奏. (男士入教堂記住要除帽)

 某夜喺街度聽到遠處傳黎鋼琴聲,原本街頭賣藝者成個鋼琴搬咗上街. 真係佩服.

 Stephansdom

Augustinerkirche

六合彩

 見到呢個廣告,大家都會去買張六合彩Lotto. 呢度有唔同公司出嘅六合彩. 要買就要去Trafik. Trafik係賣煙仔,雜誌嘅地方.

打風?

經過一間gallery, 見到呢件藝術品. 藝術...普通人真係好難明白.

熊貓BB

 最近睇咗以下報導,原來奧地利每年要俾100萬美金俾中國.

Austrian Theater Museum

與清水寺無緣

舊年去京都,藝妓就見唔到,新娘反而見到幾個.

本來會去闊別十幾年嘅清水寺,點知行到半路落大雨,心唸影唔到相,最後冇去.

又講Cirque du Soleil

又講Cirque du Soleil啦(冇法啦,真係好鍾意睇,返到香港一定要過澳門幫襯吓)今日經過Ring 一個商場入面,發現原來有一個Varekai 嘅展覽. 有圖片同埋戲服展出.

就係攞咗呢兩個嘅親筆簽名相

盧森堡遊船河

喺盧森堡時,去過遊船河, 坐MS 'Princesse Marie-Astrid'公司 Grevenmacher出發到Remich嘅船。買飛入場(上船)後, 就被帶到你張檯。其實艘船係一間餐廳,食物價錢同普通歐洲餐廳一樣。食完lunch之後仲有時間到甲板欣賞沿岸景色。因為呢條河已經係盧森堡同德國嘅邊界,望向左面係地勢平坦嘅德國,嗰度有好多camping site。盧森堡呢邊就見到喺山腳嘅小鎮。

德國帕紹Passau

 德國帕紹Passau 係一個三河交會嘅城市, 亦係最近奧地利嘅城市. 最多遊客會坐觀光船漫遊多瑙河. 我就會喺嗰度買奧地利冇嘅嘢, 例如cola green tea & cola vitamin.

(pictures of Cola from internet)

冇競爭冇進步

奧地利同德國有方便過八達通嘅設計,就係自出自入. 呢個設計令一啲人搭霸王車. 所以時不時有便衣查飛. 喺奧地利暑假時查得好密.

奧地利公共交通(地鐵,巴士,電車)係由一間公司營運. 冇競爭當然冇進步. 地鐵車站陰陰暗暗又污糟. 有啲路線仲用舊車, 上落都有樓梯, 老人家,傷殘人士,有BB車人士就好唔方便.

呢度大部份啲車冇冷氣,打得開嘅窗又細細個,夏天嗰時熱到你死.

最慘係遇著罷工,完全冇車搭.

 舊電車

到站要'禁'制先開門

減少排放二氧化碳

 喺歐洲好鼓勵人踩單車減少排放二氧化碳(除非由體內排放其他氣體). 喺維也納就有Citybike呢個租單車服務,還車地點多,頭一個鐘仲唔使錢添.

字彙上種族歧視

 (2.29 euro)

種族歧視邊度都有,字彙上都有. 好似奧地利同德國咁, 係德國最cheap嗰隻腸佢地叫Wienerwurst(維也納腸), 奧地利都唔示弱,同一隻腸呢度叫Frankfurter(法蘭克福腸).

呢碟係我今晚嘅晚餐