除夕電視節目

Happy New Year!

今日除夕,唔出街嘅可能會留喺屋企睇電視嘅特備節目. 奧地利呢邊有乜睇呢??

年年一定重播嘅喜劇Dinner for one, 係一齣英文話劇. 喺歐洲大陸好受歡迎個喎. 據wiki講呢齣嘢擁有重播得最多次嘅世界紀錄. 噚日睇咗一個關於呢齣嘢嘅紀錄片, 啲人話年年睇都覺得好好笑喎.

雖然喺歐洲大陸好受歡迎,但係紀錄片中訪問嘅英國人係唔識呢齣嘢架. 仲有話因為呢齣嘢關於醉酒,喺瑞典已經禁咗,十年冇再播過囉喎. 另外搵咗以下呢個丹麥惡搞版.

除夕大家都開開心心,奧地利又會重播本地製作嘅Wir sind Kaiser. 內容係關於奧地利皇帝接見啲名人. 但係因為我唔係聽得好明,唔識笑. 所以冇乜睇過.

除夕新製作嘅有德文國家聯播嘅綜合節目Silvesterstadl. 我覺得啱啲鄉下人睇,所以我都係冇睇過.

即係我呢邊電視冇乜嘢好睇.

聖誕樹

噚日見天晴,又冇特別嘢做.咁就出去行吓.見有聖誕樹仔.

小朋友唔可以出街

自由嘅西方國家奧地利原來有規定小朋友幾點唔可以出街架.

14歲以下嘅小朋友晚上11點後唔可以單獨喺街行.有人陪都只可以去到零晨1點.
16歲以下都係去到1點咋.

另外16歲以下唔可以飲酒食煙.
18歲以下唔可以飲烈酒.

ざるそば

友人送咗啲そばsoba過我.煮乜好呢?
摷吓我本日文食譜,就整個最簡單嘅ざるそば.個汁つゆ其實超市都有得賣.我唔買,跟食譜煮

つゆ用材料>みりん　1/4
カップ,　だし汁1カップ,　しょうゆ1/4カップ　(Mirin
¼ cup, stock 1 cup, soy sauce ¼ cup)

鍋にみりんを入れ、煮たたせてからだし汁、
しょうゆを加えてひと煮たちさせ、冷ましておく。以上材料煲滾,攤凍即成.

soba要過冷河喎.
Soba灑上紫菜絲,再點上白蘿蔔蓉(我冇用),蔥花(我冇買),wasabi,つゆ食得喇.

我冇個ざる篩,上碟都幾醜.

搵Xmas market.

因為睇報導話Augarten有個Xmas
market. 見未去過,上星期六襯佢未完之前去睇睇.但係Augarten係以前啲貴族個宮殿.個後花園太大,搵唔到個market係邊.但係都唔失望,因為都有啲嘢睇吓.

古建築中嘅現代建築.

大婆&二奶

我啲大婆二奶好耐都未出過鏡.今日就出吓場啦.

Advent calendar降臨節日曆一早買咗,但係聖誕都過咗我一粒都仲未食.只係keep咗個packing.

平安夜

平安夜奧地利人係會返屋企食飯.

孤兒仔同往年一樣都係食兩場.
Lunch食咗啲幾好味嘅賓賓餸.問咗人係乜名堂,搵日搵食譜煮煮先.
而平時接待開我嘅波蘭家庭去咗旅行,但係有另一波蘭家庭接手.

補習聖誕歌

平安夜早上電視有個德國聖誕歌排行榜.有啲唔識,睇嚟我要補習一下.

汽水罐

奧地利好少會出特別罐.今個聖誕居然出咗三款.

因為欠缺廣告宣傳(呢度知名品牌真係好少見有廣告,唔知係咪想慳錢),都唔知仲有個金屬樽.
要睇超市宣傳單張先知.而個金屬樽又唔係獨立賣個喎!
係要買一pack六枝500ml嘅贈品.欣賞梗嘅時候,發現個樽有凹痕嘅!!又去買多次一pack六枝.都係咁.
應該係佢pack埋一齊時壓出嚟.

睇睇吓兩枝啲色,一深一淺,有冇QC架??

清雜相

又係時候清吓啲雜相.

呢個係好早好早前見嘅街邊廣告.都幾重本(人手掛上去,要畀好多人工架嘛).如果呢個廣告喺某啲國家or地區出現,個細路女一早已經斷咗氣.

Ayam Panggang

某日見blog友出街食咗個印尼嘢Ayam
Panggang. 睇個樣好似好好食.咁搵吓有冇食譜自己整吓先.

http://www.food.com/recipe/Ayam-Panggang-Barbecued-Spicy-Chicken-206149

食譜中有辣椒,我唔食嘅,無謂去買啦.我用tabasco代替.食譜又叫人蒸吓啲醬汁料先打蓉.都唔知有乜好.我冇跟.
但係冇叫人做嘅嘢我又做喎.我去咗啲蕃茄皮.唔知係咪冇辣椒同蕃茄皮,我個醬汁係瘀灰色.

機械人

上星期去咗科技博物館睇咗個機械人展.但係大家唔好期望咁高,因為呢度唔係日本.

打的

的士嚟咗咁耐都唔知有冇搭多過三次.印象最深刻係第一次去維也納旅行,喺我走嗰日遇上公交罷工.要打的出機場.

Maria Taferl

冇乜時間,簡簡單單呃吓blog先.
星期日出外走走,

漫畫博物館

早前去咗Krems個Karikatur
Museum漫畫博物館.