奧地利國慶自己搵活動4-總統meet & greet

國慶重點活動就係去見總統.兩點開始,我哋提前半個鐘黎排隊喇.已經好多人.

隊頭有樂隊表演娛賓.

喺呢個時候國內同胞緊係使出打尖呢個我國國技啦.話說條隊係U字型.我喺一邊,一個操北方口音國語嘅家庭排緊隔離嗰行. 突然阿爸摺埋架BB車,將架車跨欄擺過黎我呢行(我身邊).我朋友問我佢想做乜?邊度人黎架? 我答>咪係typical mainland Chinese囉!佢一係唔想推住架車,一係想打尖. 真係係後者.佢都好高招. 擺好架車後,阿媽抱住阿B行上黎攞車(我估佢同人講佢架車係前面,俾佢向前行) ,跟住返方向向隊尾行(排緊隊嘅人唔會有介心),行到咁上吓停低(其實佢已經打咗尖,啲人唔覺).阿爸過咗一段時間先跨欄join佢哋.打尖成功!!奧地利人可能小見,識唔穿. 其實我都見有奧地利人打尖架,啲人又忍得喎.

總統辦公室喺Hofburg皇宮嘅 Leopoldinische Trakt內,平時唔開放.等咗個半鐘先入到去.Guided tour以小組進行.皇宮/辦公室內任影唔嬲,但係唔知係咪保安原因唔可以影總統,大會會幫你影.

Rosenzimmer房.玻璃櫃個鐘用咗50kg銀造.

Pietra Dura Zimmer房.牆上嘅畫全部用石砌,收藏喺世界最多.

Spiegelsaal

等咁耐,感覺好似排米奇大屋,一路行一路睇,總統就企喺呢間房(影唔到佢,話明唔俾影嘛).大會攝影師又影得差,影唔到我同佢握手嗰一刻.(幅相要隔咗幾日上官網download先有得睇).

排咁耐我覺得值,啲房實在太grand.睇完又有鈔票展.呢款奧地利Schilling第一次黎旅行時都用緊.

上一款

呢款因為用咗euro冇出過

其他年代舊鈔

繼續行程...