溫泉渡假

今次去嘅溫泉係喺奧地利東南面.第一個係Bad
Waltersdorf. 喺呢間溫泉直屬酒店stay咗兩晚.以前我都有嚟過.

出煙嗰邊係酒店自己個溫泉.

呢邊出煙嗰個係公眾溫泉.

天體sauna又唔可以影,泳池又唔好意思影,咁影吓個靚仔啦.

冇錢買民族褲,用住呢張枱扮吓先.

膳食方面.晚餐個湯嗰兩粒嘢(Speckbrandteigkrapferln),有啲煙肉粒喺裡面,幾好食.

Salad
buffet. 前面嗰堆係呢個地區嘅特色沙律.有洋蔥,青椒,牛肉絲,撈南瓜子油.

主菜食咗個炸豬扒.又係呢個地區嘅名物.除咗麵包糠,仲用咗南瓜子碎.食炸豬扒有時係會點Preiselbeeren
(cranberries)果jam食架.

甜品係咖啡蛋酒蛋糕.冇酒味.好啱我.

早餐都係奧地利style.但係有樣幾古怪嘅嘢.....湯.

奧地利唔興個喎.個湯有啲似我哋嘅稀粥,但係係鹹麥皮味.啲friends話呢個梗係為我呢個亞洲人而設.

第二晚個主菜係牛仔肉,好淋,好食.

冇乜嘢好做,揸車出去行超市.電動車差電站奧地利開始普遍.

Hea咗兩晚,
check out咗之後再去附近另一個溫泉Bad
Loipersdorf.

門口都有個小型Xmas
market. 可能係平日,冇開.

呢個溫泉好多時都有嚟.佢最近裝修過.加多咗啲玩水設施.
(冇影相).