Arroz de pato 葡國鴨飯

見超市有鵝賣，買咗一隻。今次有新意, 唔整燒鵝，整葡國鴨飯。鴨同鵝差唔多啦.

功夫都幾多吓>
4隻鴨脾，用鹽，胡椒醃醃。皮向下,煎至金簧備用。
半個茴香(買唔到），一個洋蔥，一個乾蔥，一條紅蘿蔔，一條西芹，全部切大件。加埋月桂葉，5條番茜，鴨脾。落水蓋過啲材料，煲至鴨脾骨肉分離。
隔咗啲湯備用。鴨肉切粒備用。
半個茴香(買唔到），一個洋蔥，一個乾蔥，一條紅蘿蔔，一條西芹，全部切細粒,落鑊炒香。加300g 壽司米續炒。加80ml 缽酒(我冇買）。然後好似煮咁逐啲逐啲加入鴨湯, 飯差唔多熟就落chorizo粒同鴨肉。鹽，胡椒調味。
鴨飯移到焗兜度,面層掃上兩隻蛋黃嘅蛋液(低B仔睇錯咗,放咗蛋白), 放啲chorizo片同煙肥膏片(冇放啦,咁肥），焗5分鐘左右。

個飯好好味呀！