2020年2月22日星期六

旅途雜記

奧地利電動車嘅車牌係綠色字㗎。

可能有啲blog友已經知德國有啲城市係環保區,要有許可先可以入城(綠色呢個貼紙)。目的係減少汽車對環境嘅污染。雖然電動車係零排放,但係都要有呢個貼紙。
喺科隆只係hea,巡視吓啲業務咁啦.
呢啲pop up cards做手信都唔錯。

喺food court食嘢。鄉下仔第一次用呢個鐘。
科隆嘅嘉年華Fasching幾出名吓.依家四圍都有相關產品賣。

2月4去咗Düsseldorf 一轉。
因為要叉電,今次慢慢行慢慢睇. 去咗日本超市啦.
原來又開番間日文書店。
約咗日籍友人食lunch。佢提議嗰間餐廳好有性格(定係正宗日本人係咁??). 佢門冇瑣,只係差6分鐘先營業。入咗去都要我哋返番出外面等。於是行吓行吓,去到另一間餐廳(嗰附近好多日式食肆選擇),不如轉場啦。
食炸嘢嘅。
好有正宗日本嘅味道。友人嘅炸蝦都好好味.
順便喺Düsseldorf 買埋晚餐啦.
又入咗啲日本貨。

順手攞咗份免費雜誌。
2月5例牌去荷蘭嘅Maastricht入貨.
呢個trip冇乜相影,喺超市都影吓啦.呢個櫃都係預先包裝嘅薯仔(切好,醃好).
切好嘅洋蔥同沙律菜。啲人係咪懶到成咁呀?

一排嘅沙爹醬(係荷蘭菜嘅主要食材)。
又攞免費食譜雜誌(荷蘭文照攞)。

都係買嗰啲嘢,影吓啲未買過嘅啦.
係亞超又係買嗰啲嘢。今次另外買咗呢啲試試。

2月6 繼續喺科隆巡視業務。原來開咗間Topshop。但係冇嘢啱買。
百貨公司玩具部。

街上見有churros賣。呢度原來會淋啲醬喺面。但我堅決要求一定係肉桂味同冇醬.
喺Lego Shop見香港報紙都有介紹嘅新年lego.

突然醒起要買郵票。
又去咗所住位置冇幾遠嘅桑拿浴場hea。
喺1歐店買咗呢啲。蛋糕同超市比係半價呀!睇清睇楚冇過期先買。
係U字頭嗰間日式衣履店執吓平貨。
P字頭嗰間廉價衣履店又買到嘢。
左邊嗰對只係3歐咋,唔買唔得啦。其他兩對喺鞋舖買(新正頭買咗鞋添!),唔使15歐一對。
喺德國入嘅貨又係嗰啲,唔影啦.
聖誕禮盒嘅餅乾只係2.5歐,但係快到期嘅。 奧地利本地超市係冇Cadbury㗎。
喺另一間超市買咗少見嘅糖漿。
廉價超市嘅優惠。為起嚟唔使1歐一塊。
精品店嘅半價碟仔又買。

26 則留言:

  1. 你好多戰利品。
    啲鞋好抵,估唔你都識呢啲八卦嘢。

    回覆刪除
  2. 呢趟行程濕平係最佳節目。
    歐洲咁先進富裕都賣過期食物咁衰?
    龜仙人件衫好襯你………… 因為龍珠角色內嘅龜仙人係老淫蟲。😁
    咁平嘅鞋會唔會好快爛?路邊攤有好平波鞋都唔敢買,怕著唔夠3個月就甩膠底。

    回覆刪除
    回覆
    1. 濕平當然好過叉電啦.
      喺呢邊要好小心㗎。西人超市就應該係冇心嘅。係有啲員工做嘢求求其,執唔清啲過期貨。
      好唔襯我啦,我咁嫩口.
      經驗唔會嘅。我估歐洲係有質量嘅標準嘅。

      刪除
  3. 收穫好豐富似走水貨😆
    依家先知荷蘭莱用沙爹醬

    回覆刪除
  4. Heidi 真係長賣長有
    當然有懶, 先至會有切好哂嘅賣啦

    回覆刪除
  5. 好多收穫喎🤣🤣
    Pop up 卡,我好鍾意買!

    回覆刪除
    回覆
    1. 我嘅shopping通常都係喺德國。喺維也納平日冇時間(舖頭早收).週末唔想同人迫。所以都冇去shopping.

      刪除
  6. 等餐鐘都未用過,你元朝出來架
    咁多日貨發達啦
    又係成堆公仔著上身
    食咁多糖漿做乜
    食過山竹未架你

    回覆刪除
    回覆
    1. 孟加拉出嚟㗎!
      糖漿開水飲。
      山竹鄉下仔食過喎.

      刪除
  7. Düsseldorf 很多日式餐館,很多選擇。點解鍾意食罐頭中式生果?

    回覆刪除
    回覆
    1. 行幾步就有另一間.超多選擇。
      呢啲新鮮嘅奧地利冇囉.罐頭山竹唔好食嘅。

      刪除
  8. 檯面的鐘,香港連鎖餐廳都有用~~~不過我唔知是否同一用法…
    畀我都會轉過另一間,入左去又要被叫返出去...咁既待客態度好唔得!!!!!!

    回覆刪除
    回覆
    1. 應該都係啦.
      我唔知正宗日本嘅餐廳會唔會咁對客。

      刪除
  9. 啲雪菜掂唔掂呀?買到好多野好開心。

    回覆刪除
  10. 嘩~~買左好多野喎
    KITKAT LIKE 啊~

    回覆刪除
    回覆
    1. 日本超市有日版賣㗎。但太貴都係買西人大碌版。

      刪除
  11. 好多斬獲喎!不過就响新正頭買鞋,仲買夠三對添XD

    回覆刪除
  12. 嘩!超多收獲喎,那個日式柚子汁,我有食過,用來配沙律,薯條也好好味.
    去荷蘭Maastricht也不影下相?
    你去左鬼鬼國咁耐仲竟然識D八卦野...買鞋...哈哈哈.

    回覆刪除
    回覆
    1. 個柚子汁真係幾好味的.
      Maastricht去過好多次了.所以只係去入貨。
      我都係寫blog時先醒起..買鞋..。

      刪除
  13. 差六分鐘都唔比入...日本人既堅持..哈哈!!

    大豐收呀王子你~

    回覆刪除

入咗嚟,不如寫幾隻字,留個言啦.