2020年2月4日星期二

叉電叉電再叉電

1月31長征去老地方科隆。但今次貪新鮮,選用電動車。
同人講呢個trip,聽到後都O咗咀。電動車因為始終配套未完善。
因為唔同公司都各自為政,有自己嘅叉電站。要係會員先可以嘟會員卡畀錢。而喺外國就要用漫遊夥伴嘅站喇。
所以出發前做晒準備,寫低沿途啲叉電站.(冇用app,因為我嘅山豬網絡超級慢)。
去到第一個叉電站,插咗電線就大安旨意去食嘢。一個鐘後。。。。乜都冇叉過嘅!!!!原來壞咗連接唔到。自己冇留意。但好urgent要叉喎, 咁跟GPS指示去下一個站啦....
去到搵唔到!!!
OK,去下一個..........唔同網絡供應商唔可以用!!!
於是試吓單撈個app啦。居然得喎.  搵咗最近嘅自己網絡商。去到點知...係掛牆式(如下)。呢隻係超慢的。當時叉滿要等九個鐘呢.

所以決定沿途搵啲快嘅叉電站(開始有啲啲經驗)。有驚無險夜晚八點到咗德國嘅Dillingen渡宿。貪佢呢度酒店附近可以叉電。
2月1嘅計劃係一早叉電,放低㗎車後city tour嘅。點知 。。。。。one and only嘅叉電機壞咗!!!
唯有唔city tour,用僅餘嘅電去下一個可以叉電嘅小鎮Hermaringen啦。
好彩叉到,但係慢嘅。呢個乜都冇嘅鎮磨咗一個半鐘,有足夠嘅電去下一個快嘅叉電站。而呢朝另一個景點要放棄啦。
路上見GPS話附近Ellwangen有叉電站,唔係自己網絡都去試試啦。居然叉到呀!仲係快嘅添。有救喇!咁就喺呢度食個lunch,上網plan行程。磨咗一個鐘夠電去下一個快站。
原先打算喺Heidelberg叉,但係又搵唔到部機. 好彩我有幾個emergency plans。最後到咗Dossenheim嘅快機. 叉咗九個字,有足夠嘅電去到科隆。
兩日行程乜都冇睇過,只係叉電再叉電。
喺科隆嘅節目當然又係叉電啦。星期日試咗幾部附近嘅機都唔接受張會員卡。
漫遊夥伴最近又可以打發時間嘅係喺一個mall. 可惜星期日唔開. 咁就星期一, 2月3嚟啦。
呢度部機又係掛牆式,慢嘅。咁就慢慢shopping啦。磨咗四個鐘,有足夠嘅電for聽日用.
友人聽咗我哋呢日嘅經歷有啲擔心,於是帶我哋去佢公司嘅叉電站試試。呢度居然拍卡都唔使就可以叉。友人話可能部機係新嘅,駁咗電但係就未set個付款程式。搵到呢個救星安落晒。
咁回程時會唔會都咁驚險呢??請大家密切留意喇。

30 則留言:

  1. 邊個提議咁醒呀!香港都有叉電問題。

    回覆刪除
  2. 其實長途一定唔好用電動車啦,你真係搵來煩。

    回覆刪除
  3. 心掛掛,乜旅行心情都無哂,
    你下次租架混能穩陣

    回覆刪除
  4. DAY 1既景點咪就係各大叉電站..哈哈!!!!
    好"充"實呀!!!

    回覆刪除
  5. 遇到咁嘅豬隊友,掘個坑連人帶在活埋算數

    回覆刪除
  6. 我一路睇一路為你滴汗,係我已經喊哂同打C建議用電車嘅人,哈哈哈。

    回覆刪除
  7. 王子架車好靚喎,寶藍色……
    你諗啦…手機成日叉電都麻煩,何況車……

    回覆刪除
  8. 之前打算換車都想換部Tesla, 我住私人屋苑,寫信問業主立案法團可否自費在自置的車位安裝電源及電錶。拖咗好耐才覆話不可以。幾個月後再問,並告知巳有其他私人屋苑批准車主安裝,又拖一輪,終於批准,但剛好政府收緊電動車首次登記稅的優惠,架車即時貴咗幾十萬。唯有放棄。

    回覆刪除
    回覆
    1. 啲政策都唔係好支持電動車。

      刪除
    2. 因為有人投訴資助有錢人買電動車,所以減少對比較貴的電動車的首次登記稅優惠。

      刪除
    3. 我不是有錢人,但Tesla的確是中價電動車中外形比較好看。Mercedez Benz那部要二百幾萬,買唔起。

      刪除
  9. 哈哈哈,第一次見王子既出遊記節目竟然只有叉電....哈哈哈,仲以為鬼鬼人好支持環保,在這個支援上已做得好好添.

    回覆刪除
    回覆
    1. 係啦,完全冇景點參觀!!!
      其實佢接受信用卡已經係好大改善。

      刪除

入咗嚟,不如寫幾隻字,留個言啦.