各界齊防疫

奧地利/維也納有啲防疫措施香港唔覺有.咁我攞嚟講吓啦.
巴士公司宣佈搭巴士時只可以喺車尾上落。而司機位方向就好似犯罪現場咁用膠帶圍起。保護司機。

奧地利買藥（如有醫保）要有醫生開嘅藥方。為咗減少啲人去診所，聽日開始可以電話或電郵攞藥方。醫生會email張藥方去你指定嘅藥房（註＞呢度睇醫生係冇藥攞嘅）

維也納市政府宣佈，為咗減少市民使用公共交通工具。市內所有街邊泊位全部免費。方便自駕。

因為疫情，好多舖頭都唔可以營業。但超市就極需人手.因為多咗人去買嘢(自煮,餐廳唔開)。又預計home office啲人會多咗時間去超市。
其實政府已經派咗軍人去超市貨艙幫手上貨。
有機構就有個舖頭幫舖頭行動。叫因為疫情冇工開嘅員工去超市幫手.

而超市因為係相對人多嘅地方。超市會為員工提供手套（仍然係冇口罩）, 安排年輕員工做收銀, 減少年長員工與人接觸嘅機會。亦希望顧客用電子貨幣付款。