土魷冬菇蒸肉餅

土魷蒸肉餅係我好鍾意食嘅一味餸。可惜呢度冇海味店。廿年冇食過喇。。

有次喺韓國超市見有乾魷魚仔賣，心諗可以買嚟代替。但之後唔見再有得賣。

再之後心血來潮睇吓中超有冇啦。都係冇喎。直到最近喺一間亞超見到蹤影，唔好諗，買咗先。

https://kitva95.blogspot.com/2015/04/blog-post_4.html

450g 豬絞肉，8隻細魷魚乾，4隻冬菇。 

3隻魷魚乾，冬菇切粒備用。
5隻魷魚乾剁蓉，加入豬肉，切好嘅粒粒，一湯匙豉油，半茶匙鹽，一茶匙糖，一茶匙粟粉，少少麻油，生油，兩湯匙水。撈好醃三十分鐘，然後蒸。

係我想要嘅味道但係唔濃味。下次可以落多啲魷魚。

相中係剛喺雪櫃攞出嚟嘅模樣。