移除納粹物品

奧地利歷史館係七八月嘅星期四黃昏都免費開放。我就喺7月28 專程去睇一個特別展覽。

尋找主人。

呢幅畫之前係猶太人擁有。據講佢嘅工人喺主人被迫離開維也納後收起咗幅畫。

因為猶太人嘅嘢要物歸原主嘅後人，所以有關機構嘗試搵，但係都搵唔到。

特別展係呢個。

話說民間有好多同納粹有關嘅物品。擁有人嘅後代有啲因為唔想自己同納粹有關係，有的唔想歷史被掩蓋。於是會將啲嘢捐畀博物館。

移交時嘅紙袋，紙箱博物館都保留咗。

有啲呢間博物館會覺得唔值得收藏，於是會轉介去其他博物館或者會銷毀。但是銷毀之前都會通知聲物件擁有人先。