Naturpark Hohe Wand

7月24 又跟人去郊遊。目的地係Naturpark Hohe Wand. 

Hohe Wand直譯係高牆。因為座山似懸崖卦。海拔1000米。

入呢個公園要收入場費。有職員會係大路等收錢。有下奧地利州觀光卡Niederösterreich Card 免費。

小插曲＞我哋以為入場係每架車計。原來係每位。隨行其中一人嘅銀包以為係車尾，搵搵搵....原來係車尾箱。因為我哋，車龍慢慢形成。最後位職員話算啦，卑我哋繼續行。

據資料講。呢度1932年開闢咗馬路上山。

公園係一個好大嘅山頭，有唔同嘅設施。

下圖間餐廳加博物館呢日冇開。

動物園。

餵草泥馬嘅飼料。一歐一桶，自助形式。

小鹿斑比。

呢度有兩個觀景台。呢個係其中一個, Aussichtsturm 。

有椅放咗喺度。

呢度好大風，夠涼。

兒童遊玩設施都好多。

草泥馬遠足團。

原來呢park嘅遊玩設施另外收費，自助形式。

之後要開車到另一個觀景台嘅停車場。

再步行到觀景台約五分鐘。路上經過滑翔傘起點。

Skywalk觀景台

原來呢度又係另外收費，自助形式。好多人，包括我，都係掂行掂過。

友人係呢度放航拍機。佢畀咗啲相同片我post。