天體營

我知亦見過維也納戶外有啲地方可以天體日光浴，但係估唔到原來係有天體營㗎。

新認識嘅友人原來係一個營嘅會員。3月25 襯仲係凍，唔使犧牲色相，我就為大家實地報導啦。

地點喺市郊。入口有閘。再有圍板圍住，睇唔到入面係乜。

入到嚟有個聯誼室。落雨天時可以入嚟做吓集體活動。

天體同桑拿喺奧地利已經係連成一體。呢度有間桑拿房。

有大草地做運動，燒嘢食。

有好多間小木屋。每間都唔同風格。

如果租到木屋仔嘅話，內裏任由你裝修。

示範單位一＞ 好似露營車feel。

示範單位二＞ 好似屋企睡房feel。

有啲木屋會大間啲。

但係呢啲屋仔係冇水的。營友就要喺呢處攞水，

刷牙洗面，開大開細。

冬天時會閂咗水掣防止結冰。冬天嚟嘅話就要用旱廁。

浴室就喺呢度，冇遮掩（天體營仲遮乜鬼）。

可以游水。

營外亦可以游。

亦可以種吓菜。

呢度係一個小社區。大家都要為呢度出力，好似剪草，砍樹。

咁入會要幾錢呢?

會費一年65歐。

木屋一年租金65歐。（即係你冇木屋都可以入營）

儲物櫃一年租金45歐。

非會員入營每次3歐（要由會員帶領，每年最多帶五次其他人入嚟）

桑拿額外每次每人4歐。