短遊雜記

6月8 星期四因為係奧地利嘅公眾假期，星期五攞一日假就可以渡長週末。仲問咗google 話嗰日唔喺德國嘅假期。。。咁即係可以喺斯圖加特去我想幫襯嘅舖頭啦。。。 

由機場搭梗車出市中心之際，見啲超市冇開嘅 。。。即刻再問google，原來呢日係呢個州嘅假期。。。

咁去超市就成為咗主要嘅shopping  地。其他城市冇舖頭想行。

影咗少少street art。

 

 

 

友人因為可以帶一位免費去 lounge。回程一早到機場喺個lounge度 hea。

題外話。歐洲食食吓嘢有人會嚟（東歐人）話佢好肚餓，問人攞錢。見有一位叔叔嘅做法幾好。

話說，有個家庭推住BB車，每枱去問攞錢。當時阿叔只見阿爸同阿B。個阿叔就話，你肚餓就坐低食嘢啦。咁個阿爸話佢哋冇錢喎。阿叔就話我請你（可能唔想佢拎啲錢去其他用途，唔賣嘢畀阿B食啦）。

阿叔亦單聲侍應佢會埋單，阿爸可以點餐牌上任何嘢。

點知突然成村人嚟咗。個侍應當然就問係咪全部都會埋單。阿叔就話我只畀一位錢 。。。。其他人知道當然走人啦。