Biker Fest @ Lignano

喺Lignano 咁啱遇着每年一度嘅Biker Festival。

5 月11得鬼閒，一半嘅團友就去咗逛逛。

Lignano

喺日本返嚟冇耐又出發喇。話說5月9星期四係奧地利公眾假期。攞一日假就係四日嘅長週末嘞。

提早少少收工，5月8 就出發。經過五個幾鐘車，深夜到達意大利嘅Lignano。

呢次係五個家庭嘅聚會。大家都book 埋呢度嘅民宿。

長征六千里 Day 22

4 月 26

話說我哋喺台北轉機，有成十二個鐘。做乜好呢?

出發前幾個月睇吓機場網站，原來轉機時間有十個鐘以上嘅都可以免費 join 台北觀光團。

佢有幾個 tours 揀，但係唔係啲大路嘢。於是揀咗個自由行，旅遊局會有資助（當時未知係乜）。

長征六千里 Day 21

 4 月 25 搬返出市區。因為第二朝一早飛。

長征六千里 Day 18 - 20

 4 月 22 - 24 

22 號出機場喇。友人喺福岡見好多明太子賣，好想試吓係乜味喎。於是喺機場少少地買咗一件食。一分錢一分貨，使用 made in Russia 嘅明太子。

長征六千里 Day 17

 4 月 21 落地獄

見幫襯開嘅巴士公司亦有長途車去別府。於是去程預先book 咗。回程就諗住靈活啲，打算搭火車返福岡。

巴士站係白池地獄冇幾遠。咁就買個pass，睇咗呢個先。

長征六千里 Day 16 下

 4月 20 長崎原爆資料館。心情再次沉重。

長征六千里 Day 16 上

4 月 20  呢日嚟個一天遊去長崎。之前一日睇吓點搭火車去啦，要轉車，麻鬼煩。睇吓我幫襯嘅長途巴有冇直達啦。有喎。於是搭巴士去。（個blog又張我啲相次序倒轉，請大家由尾睇翻上嚟啦）

長征六千里 Day 15

 4 月 19 終於到咗搭友人期待已久嘅新幹線。

長征六千里 Day 14 下

 4月 18 選擇咗兩個鐘路線嘅行山徑落山。

長征六千里 Day 14 上

 4 月18 喺廣島，當然要去嚴島神社啦。

長征六千里 Day 13 下

4 月17 喺廣島當然要食廣島燒啦。喺yt 見有一個地方幾特別。於是行去睇吓有冇位。

經過購物街。奧地利冇咁賣狗仔的。

長征六千里 Day 13 上

喺巴士過咗一夜，一樣瞓得好好。 

4 月17 喺廣島車站食過早餐。放低行李係酒店就開始一日嘅行程。

長征六千里 Day 12 下

 4月16 Kyoto City KYOCERA Museum of Art 京都市京セラ美術館

長征六千里 Day 12 上

 4月 16 行李放咗喺火車站嘅lockers 後就出發。

伏見稲荷大社

長征六千里 Day 11

4月 15 嚟到京都。首先買巴士地鐵嘅一日票。

去售票機睇啦。冇呢個選項喎。於是去tourist informaton問吓。點知一入門口就見到部售票機。買好飛，放低行李就開始呢日嘅緊湊行程。

長征六千里 Day 10 下

海洋堂フィギュアミュージアム ミライザ大阪城 

長征六千里 Day 10 中

 4月14, 返到大阪，參觀大阪城。

長征六千里 Day 10 上

 4 14 上晝行程係去奈良。朝早呢度人少啲，可以打卡。

長征六千里 Day 9

原先打算買JR Pass。點知到確定旅程時，加價喎。兩星期要每位500 歐。計過未必回到本。

於是諗吓有冇平啲嘅方法四圍去啦。過夜列車，選擇唔多，價錢亦唔平。

突然諗起以前大阪友人話去迪士尼搭通宵巴。

咁上網搜。搵到我搭嘅呢間。再詳細睇吓佢嘅服務。要留意嘅係車上係冇廁所。有啲車種有冇寄艙行李。寄艙只係每人一件。所以唔可以一開始行程就shopping。

4 月 13 到達大阪。

長征六千里 Day 8 下

 4 月 12 夜晚返到新宿仍然有節目㗎。八點半趕到嚟新宿都廳。

長征六千里 Day 8 上

4 月12 早餐叫咗個日式同西式。因為友人接受唔到朝早食飯。

講咗魚可以照上，友人會幫手食咗佢。於是條魚就放咗喺枱中間。