長征六千里 Day 13 下

4 月17 喺廣島當然要食廣島燒啦。喺yt 見有一個地方幾特別。於是行去睇吓有冇位。

經過購物街。奧地利冇咁賣狗仔的。

唔多啱買。

動漫產品我已經免疫。冇入去睇。

到咗。Okonomi Mura!

二樓全層（約六檔）都係賣廣島燒。

揀咗呢檔。

喺鐵板上。炒海鮮。

以我理解，廣島燒同大阪燒嘅分別係廣島有麵喺入面。（如果錯誤請指正）

經過珍奶店。

正常甜係唔夠甜。個蛋撻把鬼，凍嘅硬嘅。好彩冇試佢嘅叉燒包。

嚟到廣島城。

原子彈炸鬼咗當然呢度都係重建㗎啦。

核爆生還嘅樹。

然後嚟到縮景園。

睇吓日本庭園景色。

晚餐嚟咗呢間松屋嘅姊妹店，食炸豬扒。因為之前食過炸豬扒專門店嘅，食得出快餐店嘅質素麻麻。

我呢個體驗團，呢晚入住膠囊酒店。

但係有少少唔同，我哋嘅係雙人房，得門簾，有個小書枱，上下格膠囊。

夜晚活動係行超市，印象好似開到十點。

即食飯，睇住先。鄉下仔最終喺行程最後都買咗杯帶返維也納。

又去沖涼。

夜晚喺酒店維也納友人話想video call。點得呢，唔可以嘈㗎嘛。點知 11:15 突然手機警報響起（係好大聲嗰隻）螢幕顯示 "地震，請到安全地方"。

當時只見窗簾繩微微搖動，但係好快就成間酒店喺度搖，好似搭船咁。

使唔使疏散呢，睇吓，冇人走喎（大家都係遊客，冇人知點做。當時已經冇酒店職員喺度。）。幾十秒後就停咗嚕。

睇新聞報導，廣島震度有四級。