五天南法巴士團> Menton

2 月 24 呢個團嘅重點行程。。。。三個鐘嘅銷售會。

呢日有三個團嚟到。Sell 吓你有乜團可以下次參加啦。賣吓煲，枕頭，床墊，抹布，藥膏。。。

賣完嘢先有團餐食（齋茄醬通粉），要肉要魚就要加錢。

一早估到係會帶你嚟到山旮旯 （橄欖園）。雖然話係可以自由參加，唔聽佢sell 嘢有乜好早吖。

其實現場氣氛高漲。主持人時時有笑話。可惜要我三個鐘腦內即時傳譯帶有口音嘅德文實在太攰。。。聽聽吓我放棄。早有準備帶咗本書嚟睇。有啲團友就去行山。

下晝終於嚟到法國芒通 Menton.

因為漏水封咗好幾年嘅 Jean Cocteau Museum。

呢度有個檸檬節 Fête du Citron。

主要係用檸檬橙砌成。好香㗎。

街邊嘅橙樹。

啲檸檬橙只係用橡筋箍住。（過咗十幾日，有啲都爛嚕）

導遊話本地出產嘅檸檬貴，所以展品嘅檸檬都係西班牙貨。

活動完咗後啲檸檬會捐去啲學校喎。

前賭場內有蘭花展，另外收費。

大道兩旁有啲賣檸檬產品嘅檔口。

今年主題係Merveilles du vivant （Wonders of the Living World）

快快睇其實好快就行完。於是喺附近一間餅店hea 吓。

用我嘅爛法文落單時個收銀姐姐好開心呀。可能佢可以鬆一口氣，唔使估我要乜。

我地呢個團只係嚟睇呢啲展覽。嘉年華就唔係呢個團嘞。

仲有好多時間剩，唯有行街街啦。

好多賣檸檬產品嘅舖頭。

番梘。

睇見傻眼，一個檸檬雪葩十歐。

團友話有間舖頭有open kitchen 睇煮果 jam。