黑仔露營團 1

6 月 13 一行四人出發南下，首先去營地 Campingresort Riegersburg。因為係露營，只係計畫咗行程，再睇天氣再算冇預訂營地。。

點知第一日就遇到黑仔事件。友人架車去到營地附近嘅超市停低買嘢後撻唔著。 

急 call 奧地利汽車會求救。幾個鐘後臨時整到架車郁得。但係話一定要維修喎。

註 AI 資料> ÖAMTC 係奧地利最大嘅汽車會之一，成立於1896年。佢主要為會員提供道路救援、拖車服務、車輛檢驗、旅遊資訊同保險相關支援。喺奧地利，如果車輛故障或發生意外，好多人都會聯絡ÖAMTC求助。佢亦積極推廣道路安全教育，為駕駛者、單車人士同行人提供安全建議。

原先只係想喺呢度停留一晚。但係因為週末，車房冇開。要等到星期一，仲要唔知要整幾耐。問咗營地嘅reception，可以畀我哋冇限期紮營。

營地有呢啲房出租。最壞打算，天氣唔好會租呢啲屋仔。

有獨立廁所。

紮營人士人有三急就要踩單車去廁所喇。

三個酒桶營。

公共浴廁打理得好乾淨。

亦有公共廚房，電視，自販機，洗碗碟機，洗衣機可以用。

呢度聽講開咗兩年多。設施都比較新。

木屋仔係一間小時嘅便利店，自助形式。咁啱遇到呢度有個小型農夫市集。

營地對面係一個公眾泳場。營友可以免費使用。

圖書館唔要嘅書放咗喺呢個雪櫃裏面。任攞任睇。

我哋每晚都出邊食。

某兩餐廳嘅風景。

喺營地燒烤嘅話，可以借叉（港式BBQ）。

咁啱隔籬嘅德國營友係整車師傅，星期一幫手撻著架車後，友人就揸去附近嘅車房。緊急維修幾個鐘就攞得番。承惠 500 歐。

於是 16 號就繼續行程。