生日

今年生日咁啱係週末。於是星期五放工後同友人嚟到 Bad Radkersburg。

呢度主打單車旅遊，連泊單車嘅架都配合主題。

呢度嚟過三四次，所以冇乜影相。

喺中間呢棟橙黃色 500 年嘅古老大屋渡宿。

第二朝首要活動係去邊境（斯洛文尼亞）購物。

之後嚟到 Jeruzalem。斯洛文尼亞嘅耶路撒冷。

呢度係葡萄種植區。叫耶路撒冷係因為以前去耶路撒冷要經呢度喎。

去咗附近一間人氣餐廳。

目測好多本地人都叫牛扒食。我唔多肚餓，叫咗蝸牛。

夜晚就返番嚟 Bad Radkersburg。呢度有個溫泉，壽星仔可以免費入場（桑拿區需加錢）

大熱天時冇乜人嚟。

星期日就去另一友人屋企，打下牌。

特別為我焗咗個檸檬派。

總共收到嘅禮物。