Bad Hofgastein

10 月 16 -18 自製長週末去咗 Bad Hofgastein 一轉，順便探吓喺呢度療養中嘅友人。

依家油價貴，所以選擇踏火車，仲要係平個隻（冇快車），轉幾次車，五個幾鐘先到埗。

呢度 6 年前都嚟過。

鎮中心冇嘢好行的。

呢度有個溫泉（相中嘅建築）。

定咗一間有直接通道到溫泉嘅酒店。包早餐，下晝嘅小食，晚餐同免費使用溫泉。

第一晚有甜品buffet。

溫泉（泳池）都幾大。

友人們嘅活動係行山，但係我病病地，頭暈暈。大多時間都係喺酒店房休息。

18 號一早，襯仲可以去溫泉，就早餐前去一趟。

有一個水池係冇加氯嘅。

喺天體區冇人，可以影吓相。

呢個溫泉嘅天體區對於使用手機好嚴謹的。

通常喺度（天體區休息）冇嘢做啲人都會攞手機出嚟睇。呢度就有職員強烈勸喻不要使用。

Check-out 後放低行李就去登山。

係搭吊車。酒店住客車票有特價。

之後就散吓步，曬吓太陽。

比較辛苦嘅行山就冇嘞（始終未病好）。

好眼力嘅會見到下圖有人攀石。

山下個鎮就係 Bad Hofgastein。