巴黎 Day 8

9 月 27 行程最後一日。夜晚機，日頭嘅活動悠閒一點。

首先嚟到老佛爺 Galeries Lafayette。

主要睇吓呢度嘅室內裝璜。噴吓人哋啲香水咁啦。

因為佢嘅演唱會，呢度有佢特別版嘅周邊賣（期間限定）。

Skywalk 要預先 book 的。我哋冇就睇吓算。

之後走去呢度嘅天台。免費的。

而呢度賣嘅手信值得推薦。比起街邊嗰啲靚好多。

地鐵周邊。

玩具部都有大發現。

呢個有啲心動想買畀小朋友。奈何都幾大盒。

圓拱頂嘅結構。

之後嚟到知名cafe，Angelina。

只有 walk in，我哋等咗約廿分鐘啦。

鏡牆令到間嘢睇落好大。

好杰嘅古力。正！但係好甜。

未食 lunch，叫個 Quiche Lorraine（洛林鹹撻）先。

件檸檬撻食唔落了。打包返酒店先食。可惜天氣熱開始熔。

食評＞又係好甜。

見仲有時間，去入貨先。呢間 Forum des halles 分店有食物賣。

點知老貓燒鬚畀人呃。

話說都買咗幾多嘢。我係自備購物袋的。佢嘟呀嘟，佢枱面唔大，但係仍然唔畀我即時入袋喎。

俾錢後就嗱嗱臨入袋走人啦。點知返到酒店先知起碼三件貨佢冇放喺櫃面等我攞。當時為時已晚，要出機場，冇可能返去追討。

佢應該係櫃面冇位，放咗一啲喺旁邊。但係見我未攞晒都應該叫我返轉頭吖。（當時因為等友人們，我仲喺間舖度徘徊。）