巴黎 Day 7.5

 9 月 26 行完羅浮宮。就去巴黎鐵塔打卡啦。最直接係搭巴士。可惜教宗有戶外彌撒，封路。咁就轉去搭地鐵。

巴黎鐵塔, Eiffel Tower

呢條街好多人喺馬路打卡。

喺一間餅店食少少嘢

之後就由我帶隊。

行到嚟 Flame of Liberty

團友開頭都未知點解會有戴安娜。因為我只係話係自由神像嘅火炬。

之後先知佢喺下面嘅隧道車禍 C 咗。

想返酒店時惡夢開始。呢度地鐵封咗，馬路亦封咗冇巴士。

問 AI 搭乜好，答案係最好行路（約一個鐘）。

遇著離開彌撒嘅人潮。

冇交通工具。個個都係行。封路仲搞到四圍塞車，啲車完全唔郁得。

嚟到呢度過唔到馬路。

返轉頭，人太多，冇可能。唯有無奈地等啦。

突然有車隊經過，啲人喺度歡呼。然後見一架車內有隻手向（被迫）圍觀嘅人打招呼。

之後夜晚喺酒店睇番當日嘅彌撒轉播。證實係教宗隻手嚟㗎。

(相片節錄自友人所拍嘅影片。)