苦主有救

龜速上網嘅苦主,得到好友嘅俠義相助,借出佢嘅USB modem,等我可以渡過呢兩日.出咗個休業啟示,都好似冇休過.

首先講今日嘅嘢先. 大家記唔記得我介紹過維也納嘅國中國. 今次去咗另一個國中國,呢個國就被全世界承認,佢之唔係聯合國囉.

維也納嘅聯合國總部係世界上四個嘅其中一個. 咁大家知唔知邊四個呢?而今日係維也納總部30週年,guided tours免費,有免費嘢一定見到我.

入去前首先經過安檢.

辦好入『國』手續(tour guide話呢度已經唔係奧地利)就開始參觀.

點解喺維也納會有office呢?因為奧地利免費起呢度俾聯合國,聯合國就象徵式咁租黎用.

右手邊係奧地利送嘅百水先生嘅畫.

喺維也納office度最出名嘅聯合國組織就係『國際原子能機構』

黎到個conference room以為可以搵吓中國坐邊. 點知冇牌.

咁就乖乖地坐定定聽個guide介紹. 我呢個係德文tour,好考我listening skill. 好在大部分都聽得明. 可能係外國人講德文啦(佢係Slovakia黎),比較清晰,唔會有方言.

跟住去睇吓啲展品. 黎到呢個關於太空發展, 我冇留心聽因為見到神舟呀.

月球石

呢度講唔同國家嘅核試.

參觀完畢,覺得冇乜嘢睇.平時要俾6 euro入場真係要諗吓.

去聯合國我一定要買郵票,今日有新郵票出.呢個小全張要20 euro太貴喇.

只係買咗紙袋上面嗰5個同埋一個已付郵資信封,等可以有個郵chop(下).其他嘅嘢係今日免費攞架.