Rathaus聖誕市集

剛剛開始講香港遊記,就要佢讓一讓路.等我講咗維也納先.因為喺香港睇到某旅遊週刊已經搶先報導.我點可以執輸.

噚日趁天氣好,行咗三個聖誕市集.其實維也納嘅聖誕市集11月14起已陸陸續續開檔.而Rathaus呢個叫做最大.

每年聖誕市集都差唔多,今年就多咗呢個蝴蝶燈飾.

每個聖誕市集都有佢嘅紀念杯仲每年都唔同.買嘢飲俾2.50 euro按金,飲完鍾意嘅可以攞返屋企.唔鍾意咪退翻按金囉.唔買嘢飲都可以喺information用2.50 euro買.

今年見兩檔新嘢. unicef

同維也納市政府.

當然有傳統聖誕飾物但係我已經睇厭咗.

搵吓其他嘢睇...樂器模型

奧地利足球隊精品

紀念品...同聖誕冇乜關係..

行到有啲肚餓,搵吓有乜食. 呢度食物選擇冇科隆咁多.見到呢檔窩夫流晒口水.

買咗原味(糖&肉桂),2.50 euro. 即叫即制,味道都ok,但係冇我哋雞蛋仔咁香.

Rathaus 嘅聖誕市集獨有小朋友體驗工作坊.

裝飾吓蠟燭

整吓餅