匈牙利見聞

今次嘗試過幾樣匈牙利名物.

生果凍湯Gyümölcsleves .夏季限定.

呢個係士多啤梨+雪糕.

而呢個係blackberries. 好似食乳酪咁.

有啲團友接受唔到一開餐先食甜嘢.佢哋都冇食. 我就因為平時甜品都當正餐,我覺得好好味.

匈牙利另一名物原來係鵝肝.

下面呢個鵝肝好似moosse咁,搽麵包食.底下嗰啲係凍豬油.睇見怕怕,我掂都唔掂.

成大塊鵝肝,我覺得冇法國嗰啲入口即溶嘅感覺.右邊嗰啲唔係飯,亦係匈牙利名物,係啲粉糰粒.

又一匈牙利名物Tokaji酒.係用咗啲生咗菌嘅葡萄釀製.好甜架,唔覺唔覺會飲多咗,好易醉.

第一餐嘅甜品:煙草雪糕+朱古力moosse. Moosse上邊放咗啲爆炸糖.食落喳喳聲.好得意. 原來有團友唔知乜係爆炸糖. 同我年紀嘅嘅blog友你哋細個時有冇食過爆炸糖呢?

有一晚去咗一間多瑙河畔嘅餐廳,又有鋼琴伴奏.咪以為好浪漫...因天雨後好多積水,超多蚊,又鬼咁大隻.最後呢餐變咗國際撲蚊大賽.多國代表都有收穫.

行街見到呢個,又係維也納送嘅. 同香港嗰個好似一樣.

斜嘅垃圾桶,第一次見.

凹入嘅雕塑又係未見過. (好大鄉里)

雕塑有部laptop??!!咁又係,100年後啲人未必知乜嘢係laptop.

Dog Box唔通係放冇人要嘅狗?

地鐵睇黎以前好似奧地利咁自出見入,但係佢哋欄住晒,喺唯一通道有人check你有冇飛. 係咪呢度逃票嚴重,定係製造就業機會呢?

講開又講,我雖然幾年前黎過一次,但係今次係第一次搭地鐵.唔知頭唔知路,問啲查票員,雖然雞同鴨講,但係佢哋好helpful架.而呢條線係歐洲大陸(英國係島,唔算)最早嘅地鐵.

喺超市見到呢枝大肚飲料.

臨盆生咗個...

搭火車返維也納坐最新嘅railjet.有電視畀小朋友睇架.但係入到奧地利境先有人開.