李斯特足跡 - Sárvár

6月14

五點幾喺奧地利返番黎匈牙利,個團帶咗我哋去Sárvár. 呢度係個溫泉區,有好多溫泉酒店.我估黎呢度主要係介紹間新酒店.

Check in後自由活動,原本目的係想你用吓佢啲設施. 但係我呢啲坐唔定嘅即時走咗出去. 行大約廿分鐘就到咗鎮中心.

Nádasdy Castle. 末代巴伐利亞國皇就係C咗喺呢度.

城堡附近係一個廣場,黎到時啱啱有音樂.

係啲鐘嘅鈴鈴聲,但係又有啲background music,似乎係播帶.

呢度完全冇tourist information,都唔知自己睇咗乜.

所住嘅酒店,好多奧地利人黎呢度玩.

我只係第朝先有時間參觀吓佢啲設施

酒店門口有好多嘢跳跳吓,初初以為係烏蠅(我都癡嘅,烏蠅會跳). 睇真啲,係好細隻嘅青蛙. 第朝見到有啲畀人踩扁咗.

當日自由活動後,食過dinner,個團其實黎咗城堡參觀.

靚仔登場!

個guided tour叫Bat Program.每人都有件蝙蝠袍, 其實多鬼餘架.最後熱得滯我除鬼咗.

啲房漆黑一遍,每人好似照田雞咁週圍照.

有三百年嘅木樓梯.

城堡個塔嘅一間房,天花幅畫係同維也納國立圖書館一樣嗰喎.

咁樣參觀城堡好有新鮮感,可惜個Program只有團體可以book.