李斯特足跡 - Sopron

6月14

第三日Sopron行程因為天雨取消. 話明天補番. 補唔補我冇所謂.反正我最近先黎過.要睇嘅之前都睇晒.

於是導遊帶咗我哋去食一間wine cellar食lunch (Sopron係匈牙利其中一個釀酒區).

頭盤食咗鵝肝mousse配士多啤梨carpaccio.

甜品係個新嘢>Liszt Torte. 呢個係專為Liszt Year 2011創作, 係一個公開比賽嘅第一名作品. 會喺Sopron嘅cafe發售.

蛋糕同李斯特有乜關係呢?其實係冇嘅. 因為莫札特有莫札特朱古力,所以佢哋整番一種李斯特嘅食品.

蛋糕底層係朱古力moosse,上一層係白朱古力moosse加啲橙皮. 睇團友食唔晒,似乎唔受歡迎. 而我覺得OK喎,食晒.

6月15

好好天呀. Sopron行程補番. 有導遊又幾好,上次唔知嘅嘢今次有人解釋. 呢個係紀念Sopron三個重要年份.

Goat Church

Fire Tower(中).相右邊係town hall,左邊間屋李斯特留宿過兩次.

呢part路面已經鋪好咗. 工程係為咗出年個Liszt Year整靚靚,預計9月完成.

我哋跟李斯特足跡行.

地下有標記

咁有團友問典解我哋黎呢度呢?原來李斯特9歲時第一次表演就喺呢度. 原本間屋已經冇咗. 依家只係有呢個紀念碑.

Sightseeing完我哋去咗市郊一間朱古力廠.

嗰度有個展館介紹朱古力製作過程.

摸吓可可果..

食吓壓碎咗嘅可可豆nibs

煮吓啲nibs就會有白色嘅cacao butter.

呢啲一罐罐係試食唔同地方出產唔同濃度嘅朱古力豆.

最後試食佢哋嘅出品.

Show kitchen冇人開工.都唔知係咪裝假狗.

呢度附設舗頭 & cafe.

試食時個個都話orange chili朱古力好特別.入口有橙味,突然一轉變咗辣.(朱古力冇影相)

上次喺市中心幫襯過呢間cafe,好有水準. 見大家要啲時間shopping,我就食個匈牙利名物Somlói galuska(德文Schomlauer Nockerl, 上方長型嘅係Schomlauer Schnitte). 因為寫德文,所以我用我啲爛德文問吓一舊舊嗰啲係咪Schomlauer Nockerl (因為Nockerl我印象應該係一舊舊).

Sales阿姐解釋我聽但係我唔明. 到上碟,原來係咁. 佢將件Schomlauer Schnitte整開三件,然後加大pat cream,變咗一舊嘢.

好食!

食飽飽,繼續上路.