Achenkirch

9月6離開Salzburg州又搭火車去下個目的地,Tirol州嘅Achenkirch.

等車冇嘢好做,shopping只係得架自販機.居然咁都有新發現...大麻ice tea.味道同以前喺Amsterdam買嘅大麻糖一樣架,即係怪怪咁. 但係made in Austria架.有興趣帶啲番香港做手信.

轉車又轉車,呢度好似係Schwazach.有個火車博物館,但係星期一休息.我有時間都冇得入去睇.

搭到去Jenbach, book咗酒店shuttle,再搭半個鐘終於到咗Achenkirch.

Achenkirch村中心地標除咗教堂就係我住呢間Posthotel喇. www.posthotel.at

裡面有小小迪迪尼feel.整咗啲假街道.

酒店都有紀念品賣.

我個blog通常都唔放房嘅相.但係呢個浴室我要破例講吓. 佢個天花有壁畫架.好似畀人偷窺美男出浴咁.所以我只係沖花灑浴咋.

酒店範圍好大.又有動物睇.

附近嘅大戰紀念碑.

Achenkirch就係咁喇.冇嘢睇架.

嚟呢度諗住行吓Achensee湖.點知...

第二日病咗.都唔知係咪鄉下地方有禽流,豬流定瘋牛. 發病第一日想搵藥房.問酒店,最近一間診所要行半個鐘.仲要有午睡時間. 問吓酒店有冇藥頂吓啦. 點知keep藥嗰個唔喺度.唯有返房瞓吓. 瞓醒dinner time又唔想去睇醫生.照落去食飯. (呢度包4餐). 原來飯枱擺咗一粒藥畀我,雖然一粒咁大把.但係都好窩心.

第朝問咗原來有巴士可以去嗰間診所. 企喺度都冇力,CC吓都係去買藥啦.點知落錯車喎.眼見佢閂門前趕唔到去.唯有又係返房瞓囉. 4日3夜就係咁嘥咗.

第一餐晚餐>兔仔肉.有啲似雞肉. 之後幾餐都冇心機影lu.

早餐有荔枝.我嚟咗奧地利只係買過一次食,啲核大粒到以後都唔買.但係呢度啲好細核所以狂食.

最後一日搭shuttle離開,喺車上補影湖嘅相.

呢個故事話畀我知,我唔會搬去鄉下住囉.咁唔方便.