Salzburger Seenland – Obertrum

呢次嘅目的地係Salzburg附近嘅Obertrum. 今次都係搭慢車.喺Franz Josefs火車站出發.

首程沿多瑙河行.經過Krems.

轉咗幾次車終於到咗Salzburg. 再轉巴士,坐多半個鐘就到架喇.

等車時發現巴士站附近有個Sisi皇后像.

當然唔係搭呢架.
等車期間去咗Burger King買嘢食. 諗住用維也納攞嘅coupon.個收銀打黎打去都唔啱喎.佢問人都唔知.咁佢都照賣畀我.但係佢找多咗錢播.佢話佢哋呢度賣平過我張coupon.原來奧地利Burger King唔係全國均一價.

Obertrum呢度只有旅館.我住呢間Gasthof Neumayr. Obertrum其實係冇嘢睇架.啲人stay喺呢度係因為呢度幾近一個湖.

旅館附近有間啤酒館.

有啲釀酒工具睇吓.

咁啱啤酒館班麻甩會去參觀啤酒廠.我有幸可以跟埋去

其實啤酒廠就喺我間旅館對面. Trumer啤酒係呢度出產.

呢part 畀大家聞吓唔同香氣.

呢個係吉嘅.

唔同嘅小麥.

呢啲我唔知係乜嘅植物,釀酒要用到佢.

生產線.

呢個好似個浴缸咁.其實有三層樓深

大家可以睇到唔同階段嘅啤酒.呢啲發咗幾日.係好難聞架.

呢啲就快完成

參觀啤酒廠一定有嘅嘢-試飲.

跟住去咗一間博物館.因篇幅關係.下一篇先講.

呢晚去咗離Obertrum十幾分鐘車程嘅Mattsee食飯.

因為落雨冇四圍行

見blog友最近介紹Polenta.突然好想食.所以叫咗呢個牛仔背肉配芝士polenta白菜.