古羅馬之旅Bad Deutsch Altenburg

星期日去咗Bad
Deutsch Altenburg, 離維也納約一個鐘火車.
呢個地區發掘咗好多古羅馬時期嘅嘢.

醒吓神

週末過咗又要開工.
大家係咪冇乜心機做嘢呢?
畀啲醒神嘢大家睇!

Lange Nacht der Kirchen

星期五晚又係每年嘅Lange
Nacht der Kirchen (Long night of churches). 乜教嘅教堂都開放至零晨畀人參觀.仲會有啲特別節目.
路上又見到好classic嘅賣藝.個女嘅著住roller
blades唔通走鬼走快啲?

齋

星期五去開MQ咁又去八吓一個活動.見到一架隱形車喎.

維也納啤酒節

噚日晏晝見有空檔走去Am
Hof睇吓個維也納啤酒節Wiener
Bierfest.

新罐

呢個品牌125年,
諗佢應該都出特別罐卦.
行開超市都望吓.
真係有新罐,但係唔知有幾多款.
暫時只見呢三款.
屋企又多三個罐.

Life Ball之後繼續八

講番嗰日八完個Life
Ball,聽同鄉講Karlplatz有個免費露天新派歌劇睇.
當然又去八吓啦.

生炒牛肉飯

最近睇T&P個生炒牛肉飯,真係冇諗過用免治肉炒飯.但係喺茶餐廳又食過喎.遺忘咗呢味菜添.一於整啦.
酒我冇,冇落.橄欖油煮中菜又好似怪怪地,所以我用咗嘛油.另外我呢個廚房白痴唔知生菜未煮係乜樣,所以唔知我呢度邊隻菜即係生菜(因為我多數生食,唔知邊種煮咗係生菜味).於是求其用咗紹菜.
自己整好有茶餐廳嘅味道.仲冇咁油添.上碟時想幫佢變高檔啲,咁喺露台申手摘咗啲野花點綴吓.

Life Ball下

繼續睇奇裝異服.

Life Ball上

星期六維也納舉行咗個Life
Ball. 呢個ball係為愛滋病籌款嘅.咁多年我只係睇電視.今年就去Rathausplatz睇吓人哋啲奇裝異服.而今年個主題係Spread
the Wings of Tolerance. 於是好多去ball嘅人都有對翼.著到好似隻雀咁.

Free Comic Book Day

睇美國漫畫知好幾年前開始美國有個Free
Comic Book Day.  係啲漫畫出版社出啲免費漫畫喺嗰日派.而我香港幫襯開間美國漫畫舗收到呢啲免費漫畫都畀本(Simpsons)我架.
德國呢個咁崇美嘅地方,舊年都有免費漫畫日.而因為奧地利都係睇德國出嘅漫畫,所以奧地利都有呢個漫畫日.可惜舊年我唔喺維也納,走咗雞.
今年個免費漫畫日係5月14.

又中??

奧地利人有樣迷信嘢係見到煙通清潔工會帶嚟好運.咁前日我居然一日內見到三個.
唔得喇.一定要去買張六合彩.
原來last見嗰兩個都喺煙仔舗.頭獎仲唔係我.呵呵呵.

開彩喇!!真係中咗喎(蝕嗰隻,得€4.5咋).
睇嚟呢度都幾易中六合彩.但係其實會唔會好似blog友講呢個係個陷阱呢??

自家研發Wälder Käsefladen

嗰次喺Genuss Festival 食咗個叫Wälder
Käsefladen 嘅東東.實在太好食.於是自己研發.
之前喺雜誌剪低Pizza底個食譜,一於試吓(但係依家唔知放咗喺邊,佢蒲番出嚟先再同大家分享).芝士我用咗Bergkäse.因為上次整芝士波時知佢夠臭.另外見人哋嗰啲有綠色碎碎,所以自己又落咗啲蔥花.
出爐喇!!真係臭得好似架.味道都好好.只係薄嗰啲Pizza底太硬,芝士又唔夠多,冇咗creamy嘅質感.

同場加影有salami版.

Lange Nacht der Wiener Stadtwerke

禮拜六突然落狗C,夜晚又好好天喎(咁光但係已經係夜晚).於是照原定計劃去睇Lange
Nacht der Wiener Stadtwerke (Long night of Vienna City work).呢晚有好幾個公共服務機構開放至零晨一點畀市民參觀.
一早食咗飯就去Rathaus後面搭shuttle.雖然已經決定去邊都去睇吓information有乜嘢攞.

Wiener Gesundheitsspektakel

啱啱過咗個禮拜六維也納有好多活動.分身唔到唯有揀呢個喺Prater個Kaiserwiese嘅Wiener
Gesundheitsspektakel(關於健康).
可惜個天好似想落雨咁.

Wiener Festwochen

Festwochen係維也納每年嘅文化活動週.星期五晚搵埋同鄉去Rathausplaz睇opening.

化磷戴花巧

呢個團體好鐘意
喺遊客區開壇.

噚日見佢哋喺Stepahsplatz.全部都係老外.佢哋用幾正嘅普通話唱>化磷戴花巧,化磷戴花巧(請用普通話讀出).

十卜奧地利

今晚歐洲時間又係每年一度嘅Eurovision Song Contest歐洲歌唱大賽嘅總決賽. 奧地利已經6年冇入final喇.當然要留喺屋企睇電視十卜吓啦.

其他我都有鍾意嘅.

丹麥呢首旋律好熟.好似廣東歌.

 

愛沙尼亞呢個係年紀最細. 呢個比賽有年齡限制架. 唔想有童工喎.

 

希臘呢個我覺得佢個樣有啲似Ricky Martin

 

愛爾蘭孖子好似大熱.

 

好耐冇留意俄羅斯樂壇,唔知佢喺俄羅斯係咪好hit 嘅呢?

 

瑞典都係睇blog友介紹先認識佢. 台風幾好.

 

烏克蘭唔係太特別.但係Semi final演出時佢後面個screen好好睇.

 

羅馬尼亞首歌我鍾意.

 

但係最鍾意梗係Blue啦.粉絲嘛.

 

唔入圍嘅都講吓.

呢位係以色列變性人歌手. 都唔靚女.

 

斯洛伐克嘅Twins.

 

急診室

放心.唔係我入.

前日友人喺街暈咗.好彩路人甲and路人乙幫我call白車
(原來我係唔知奧地利緊急求助電話號碼架!!).
等咗好耐先有車嚟.而啲救護員呢...慢條斯理好似散步咁行過嚟.
友人被抬咗上車後,呢度原來唔係即刻車去醫院架.啲救護員先喺架車度幫你check吓東check西.佢哋搞咗一輪仲call咗個醫生嚟(原來奧地利有呢啲急求醫生).
去到急症室.係冇病人等架.即刻有醫生到.

殘殺女友肢解奧國漢囚終身

奧地利一名廿三歲男子殘殺女友，昨日被判終身監禁。案情指，廿一歲女死者在維也納被殺及肢解，殘肢被當成垃圾棄掉。女法官魏斯指，女死者在極殘酷和痛苦之下死去，頸部、鼻子和身軀均被切去，其中一隻耳朵更可能是活生生被切下。犯人拒絕認罪，律師表示會上訴。
（東方日報綜合報道）

Cheap精整蟹餅

有日行過書局見食譜書推廣,最平唔使€2有一本.求其拎本睇,一揭.嘩!蟹餅呀!好想食.但係呢本係海鮮食譜,我又唔食熟魚.冇理由用€2買一個食譜吖.....於是....然後記住個做法入腦....

維也納電車博物館

禮拜日睇報紙見維也納電車博物館25週年大酬賓,當日免費入場.見到免費,即時兩眼發光.病梗都龍精虎猛.

古老電車喺街行梗.即係差唔多到博物館喇.

Sand in the City

Stadpark附近每年都有個Sand
in the City扮吓沙灘.

放大假

大家見唔見呢個維也納地標有乜唔妥呢?

小約翰史特勞斯唔係度呀!!!

Genuss Festival

噚日去咗Stadtpark.因為有個Genuss
Festival.

出神入化

星期六睇咗個德文國家聯播節目Wetten dass. 其中請咗Pilobolus嚟表演. 呢個表演團體我真係大鄉里唔識. 一睇簡直出神入化.

等咗幾日終於有人upload咗上youtube. 咁就同大家分享吓啦.

www.pilobolus.com 嘅news update>

This week Pilobolus featured on Wetten Dass... the number 1 show in Germany!
This July and August Pilobolus will be touring their full-evening show SHADOWLAND in Vienna, Austria; Duesseldorf, Berlin, Cologne, and Stuttgart Germany.
A groundbreaking theatrical event is best described as part shadow act, part dance, part circus and part concert. Shadowland incorporates multiple moving screens of different sizes and shapes to create an evening-length performance that merges projected images and front-of-screen choreography.

吹氣藝術品

電視介紹喺MQ有新藝術品睇.
睇佢係吹氣,應該唔會擺好耐.
噚日見好天,咁去睇吓啦.
呢個初初唔知乜.

メロンパン 蜜瓜包

之前整咗菠蘿包好有滿足感.
於是整好似菠蘿包嘅メロンパン蜜瓜包.
日式包當然去摷日文食譜啦.覺得正宗啲嘛.搵到個圖文並謬.唔識日文都會明.而包同個皮我用咗唔同嘅譜.因為個皮嗰度個包食譜有樣叫ショートニング(google譯shortening)唔知係乜.所以個包用第個譜.

第一次整因預錯時間趕住出街.個粉糰未發好我已經鋪個皮.粉糰繼續發大搞到個皮裂開晒.超失敗.連相都冇影.
前日因為唔知食乜做早餐好.所以前一晚又整蜜瓜包.夜晚11點幾出爐,好鬼香.搞到我破咗戒.食咗個先去瞓(我平時瞓前4個鐘唔食嘢架).

個皮跟個譜好似比較鬆散.咁我用多啲牛油,我估80g啦.今次靚仔好多呀!

腸仔檔

復活節期間經過Albertina附近嗰檔型格腸仔檔.
有位兔先生喺度.講開腸仔檔維也納通街都係.但係我只係好鬼好鬼肚餓先幫襯.又因為肚餓,都唔會揀邊檔好食.見到咪幫襯囉.

5.1勞動節

5.1勞動節去咗睇吓主要政黨SPÖ社會黨搞嘅集會. 一出地鐵已經見遊梗.

政治show

公德心呢度啲人真係冇乜.好似呢個情景搭車好多時都見(唔係我擺喺度屈佢架).因為呢度搭車係可以飲食.而清潔車箱唔似香港咁喺尾站做.
呢度係有人一齊搭車一路清潔.但係嚟咗4年只係見過兩次有人咁掃垃圾咋.一次係市長選舉前.一次係公交民調公佈當日.我懷疑係做show多啲.