星期三係公眾假期.冇嘢好做,同人一齊去朝聖.
目的地Maria
Dreieichen.
Dreieichen.
呢度可以行上個祭壇.
祭壇後面有嘢睇.係三條橡木Dreieichen
(呢度個名個由來).聖母同橡樹有乜關係我唔太清楚.好似話呢度聖母顯靈,咁啲人起咗間木教堂,重建時keep咗木教堂嘅橡木.
(呢度個名個由來).聖母同橡樹有乜關係我唔太清楚.好似話呢度聖母顯靈,咁啲人起咗間木教堂,重建時keep咗木教堂嘅橡木.
祭壇後冇人見,好多人都到此一遊.
聖母&橡樹.
呢度以前應該好多人嚟,但係依家好多檔口都執咗.
Lunch去咗呢間.
Full晒.但係得兩個waiters.
飲品都要半個鐘先上到.食物又等多半個鐘.
我食咗個Dreieichen豬扒.豬扒捲咗有芝士,火腿,香草(估係芹菜葉).好好食.
食飽繼續上路,經過Maissau,遠遠見有個城堡.去八吓啦.
但係個鎮冇路牌指示點去呢個城堡.
去到門口.....原來不對外開放.可惜.
唯有上網搵幅相大家睇.
之後去咗一個叫Heldenberg嘅地方.
12歐入場有四個景點.但係同行冇人有興趣.大家只係喺個English
Garden坐吓.
12歐入場有四個景點.但係同行冇人有興趣.大家只係喺個English
Garden坐吓.
好幸福呀﹗好似日日去旅行o甘好﹗
回覆刪除[版主回覆08/18/2012 21:30:22]即日來回都唔算旅行
世界各地都有聖母顯靈....
回覆刪除雖然冇咩特別野睇 , 但係咁既環境行下都C服
[版主回覆08/20/2012 04:37:43]未去過咪去吓囉.
最尾個火柴人都整得幾似
回覆刪除[版主回覆08/20/2012 04:38:16]真人size高架.
Your place has so many church, and they are so beauty!
回覆刪除[版主回覆08/20/2012 04:38:45]太多,冇可能間間都去睇.
得兩個侍應咪做到氣咳
回覆刪除[版主回覆08/20/2012 04:39:18]佢地行得好快,好似HK人咁.
祭壇後面寫到花晒, 應該油番靚佢囉.
回覆刪除[版主回覆08/20/2012 04:40:57]應該話D人要自律吓, 教堂嚟架.
奧地利係假期德國唔係ar!
回覆刪除我呢排係柏林搵唔到有咩好睇lar
[版主回覆08/20/2012 04:42:11]我知奧地利有幾個假期德國冇.
搵唔到有咩好睇,咁衝出柏林啦.
好少祭壇比人上去個喎. . .
回覆刪除[版主回覆08/20/2012 04:43:19]好少係咁架.
木教堂好靚呀!
回覆刪除[版主回覆08/21/2012 02:58:40]已經唔係木架喇.
聖堂個祭壇陳設得好靚 .
回覆刪除[版主回覆08/21/2012 02:59:32]我呢度d教堂多數都係咁架.
有無秘道可以鼠入去
回覆刪除[版主回覆08/21/2012 19:21:56]我估冇囉,城堡喎.
最後一幅個人像有點恐怖~
回覆刪除[版主回覆08/23/2012 22:04:44] 我唔覺喎.