歐盟區域發展基金 -- Nové Hrady

5月19 離Weitra廿分鐘車就已經嚟到捷克嘅Nové Hrady.

呢日有一位同我咁後生嘅市長做導遊。
但當你一泊車，就有位大媽即刻嚟問攞泊車錢。都唔知真唔真. 問問市長啦.
原來呢度未有咪標，唯有用人手. 好處係遊客問路，一定有人可以問到。(你知啦,喺啲鎮仔,街上可以一個人都唔見㗎嘛).

以前嘅一座宮殿，依家係酒店。
市長睇佢係好希望盡量介紹晒呢個鎮嘅設施。好想我哋睇吓間酒店，可惜冇乜時間.

博物館, 德文人嘅建築。

Nové Hrady係new castle咁解。而世界其他嘅new castle嘅市長耐唔耐就會聚埋開會。日本嘅新城市都係其中一員。

Die Peter und Pauls Kirche (我手上嘅資料只有德文)。

Barockapotheke 依家已經摺咗嘅藥房。內裡係巴洛克式。

經過間畫廊市長又想我哋去睇吓.

畫廊亦搞吓啲workshop,等啲小朋友培養對藝術嘅興趣。

舊城堡

參觀城堡有三種tour。時間關係,只係睇咗兩間房。

唯一一間保存原貌嘅房間。

古時陵墓設計比賽嘅作品.

圖書館。

已經失傳咗配方嘅黑玻璃。

以前邊界嘅告示牌，冇許可越過邊界嘅後果。。。

鐵匠

依家嘅主人係一位荷蘭伯伯. 溝通時係捷德英三語.

頂咗呢間鐵匠屋係想推廣傳統文化畀捷克嘅下一代。

呢度時不時都搞啲傳統手工藝嘅workshop.

唔講唔知,間屋近廚房有一個兜，原來古時廚房啲熱氣會令個兜啲水保持和暖，咁就時時都有暖水用.

參觀完就返維也納，但見仲有啲時間,去近邊境奧地利呢邊嘅Gmünd行吓.

亦有呢啲古建築。

呢個系列就此結束。多謝收看。