2020年3月23日星期一

疫情中保就業

我做呢行當疫情喺中國爆發時已經首當其衝。輪到意大利時直接影響埋我部門。奧地利未有抗疫措施前,我一日只係sent十個emails㗎咋, 拍晒烏蠅。

老闆冇生意,要節流,個個都會諗要炒人啦 (公司真係炒咗兩個). 呢個係政府唔想見嘅。所以有抗疫措施時已經話有資助畀僱主,希望保到啲職位。
好以我呢啲拍烏蠅嘅行業,冇奶油要人坐喺公司等烏蠅吖. 所以上星期中政府已經有減工時政策詳情出咗. 僱員最少工作原先嘅10%,人工不變(係稅前人工不變,除稅後我個case可能每月會少咗二百歐到.)類似香港嘅勞工處嘅部門會津貼僱主80-90%嘅人工。為期三個月.如果情況仍然冇改善,可延長多三個月. 但係呢個津貼係三個月後先一次過畀僱主。
我老闆當然去申請(邊會有人唔去㗎)。噚日批咗出嚟。
我只需每週工作少於四個鐘!!

24 則留言:

  1. 發達啦,有大把時間去掘野蒜,再將野蒜發揚光大,上市指日可待

    回覆刪除
  2. 政府效率差都批得咁快手?

    大陸有工人共享,酒店員工去咗缺人嘅工廠上班。

    回覆刪除
    回覆
    1. 其實我公司都等咗一個禮拜㗎喇。
      工人共享我估我呢邊唔得,因為呢度啲職業都係專業,員工都受過專業培訓。唔係咁易轉行。

      刪除
  3. 咁算好啦,希望疫情快快過去,回復正常。

    回覆刪除
  4. 呢度都話會有補助, 我無睇詳情

    回覆刪除
  5. 英國政府會有補助,80 %,最高每月 £2500

    回覆刪除
  6. 我老公昨天回公司開會,將會'被自動' 減薪喎,唉。

    回覆刪除
  7. 世界幾乎停止往還,旅遊業已重創,好多導遊已無得出團,香港有支援各行業,杯水車薪,只有希望疫情快過,你要小心保重!

    回覆刪除
  8. 做4個鈡咁其他時間点打发好呢

    回覆刪除
    回覆
    1. 冇街行,冇得去旅行。宅喺屋企囉.

      刪除
  9. 這個時候,希望個個可以保住飯碗。

    回覆刪除
  10. 噢!呢次真係有排攪,真係會世界性經濟下滑.唉!

    回覆刪除
  11. 做宅男.....試吓自己將經驗寫吓食譜喇(以後就用自己私家譜) :P

    回覆刪除
  12. 呢個時候無俾人炒真係算好好了

    回覆刪除

入咗嚟,不如寫幾隻字,留個言啦.