復活節統計

節日, 報紙一定有啲統計。

奧地利人平均一年食236隻蛋。

唔知幾時開始復活節好似聖誕咁要送禮。

最多人送嘅係朱古力。其次係蛋殼染咗色嘅雞蛋。之後係玩具，花，自家烘培，coupons同書。

復活節啲人嘅錢花咗喺邊呢? 

依次係食，禮物，朱古力，家居裝飾。

Blog友問過奧地利人興唔興Easter egg hunt。我印象係有人玩嘅。

今日睇報紙發現原來奧地利人傳統係Easter nest hunt。係收埋一窩蛋（如圖／網上圖片）。

但係只有57%嘅人仲保留呢個傳統。

呢個我明嘅，住市區又點玩呢。