深喉&插後欄

年紀大機器壞。4月14要畀醫生深喉同插後欄。

做檢查之前唔可以食嘢。我呢啲唔餓得，初時都幾擔心自己挨唔挨到。點知原來飲瀉藥飲到飽。Total要飲2L。

而瀉藥居然醫保係唔包個喎。承惠廿歐有多。

做檢查可選擇全唔全身麻醉。全身麻醉又係唔包嘅。自負120毆。

我以前照過一次胃鏡。記得插條喉入去嗰吓幾難頂。呢120歐唔慳得。

醫生打麻醉劑後唔使一秒我就瞓咗。醒番之後完全感覺唔到之前係畀人蹂躪, 睇晒內裏全相。報告亦係醒嗰時就攞到。

結果冇大礙。醫生建議八年後再畀佢插過。

註＞自備毛巾。原來係用嚟遮住重要部位（有啲多餘，瞓咗嗰時醫生想睇乜都畀佢睇晒啦）。

醫生因為係喺Baden。咁就四圍行吓。 

 

仲喺酒店stay一晚。（酒店房望出去嘅賭場）

酒店保留咗百年前嘅宴會廳。

玻璃畫都係原裝嘅。

通常嗰時嘅宴會廳會有個露台，小樂團會喺呢個露台奏樂。