長征 21 -25 號

9月21 返到科隆，買埋想買嘅嘢就執行李嚕。

22號同友人道別後搭火車到 Nürnberg (Nuremberg). 會stay 兩晚。另一日安排去Erlangen一日遊，想參觀西門子嘅博物館。

三點幾check-in後超攰同狂咳，一瞓就瞓到天光（晚飯skip咗）。第二朝仍然好攰，撩吓個鼻。。。兩條線。於是又瞓咗一日，唯一出街做嘅就係買藥。

維也納友人建議我取消餘下嘅行程，直接返屋企。我就覺得我依家咁辛苦，仲要我坐咁多個鐘火車。不如等我好少少，坐車都冇咁辛苦啦。

所以決定繼續行程，24號去Augsburg。

大袋細袋，當然係唔想轉車。而Nürnberg去Augsburg 直達嘅只有一早。去到Augsburg未可以check-in，放低行李喺酒店後就市內觀光。理鬼佢係咪陽性，陰性定假陽, 唯有戴住個口罩囉。

喺 town hall 廣場唔知啲乜活動。

我最反對嘅放氣球。超級破壞環境。

想去嘅一間博物館，紅色嗰間。

Leopold Mozart Haus

係莫札特老竇嘅故居。

我冇expect 喺間博物館會睇到啲乜真嘢。

而莫札特老竇嘅樂譜係冇流傳落嚟。話說因為莫札特窮，拎晒啲樂譜當廢紙賣。

當時嘅假髮架。

差唔多時間就返酒店休息。想去嘅 MAN Museum，Schaezlerpalais 唯有下次啦。

25號返到維也納嗰晚仲約人食buffet。心諗我只係攰，未必係中招。

點知食食吓啲嘢乜味都冇嘅。。。弊！中咗。

PCR 當然證實咗啦。