Open House （下）

9月 9 見仲有時間就加插參觀公屋Georg-Emmerling-Hof。

幢樓1953年建成。有三百幾戶。因為依家冇人鍾意住地面嗰層。所以改咗做商舖。

原裝嘅車房木門。

最近頂樓加建咗單位。我哋可以參觀一個千八呎（冇打錯，真係咁大嘅公屋），另一個一千呎嘅單位。

有露台。

維也納啲公屋都會擺啲藝術品點綴吓。以下呢個係近代先加上去。

呢日最後嚟到維也納第一高樓。可惜條隊好長，我哋又有下場。只好留低一位朋友佢自己等。

但係因為收檔，最後佢排唔到入去。

9 月10，因為下晝有活動。就只揀咗屋企附近呢幢參觀。

我時時都有個疑問點解呢度會低咗一層。今次得到答案。

話說以前流經呢度條河經常氾濫，於是要加高河岸，要拆晒呢度啲屋。但係呢幢樓當時新起，所以得到保留。

唔同樓層外牆都有唔同設計。

而每層樓嘅高度都唔同。越高越矮，因為以前技術吊唔到啲嘢上咁高。

Lobby牆壁係當時興嘅雕花。

保留到嘅地磚。

單位嘅裝飾都保留咗。

但係暖爐就拆咗嘞。

依家呢度係商住大廈。

廚房有窗通向工人房。依家個工人房已經改咗做浴室。

保留到嘅窗框。

其中一間公司個廁所個個都好有興趣。馬桶上面可以洗手。（日本有咗十世啦！）

最後就到咗呢間公司，呢度負責圖片講解。

話說呢幢大廈係最早有自來水供應。係有自家水井再人手泵上樓。

而參觀嘅呢間公司係做古代壁畫嘅打印服務。

例如去旅行見到啲宮殿嘅壁畫後，好想自己間別墅都有一樣嘅壁畫。你影低啲相，間公司就同你print 喺牆紙上。