長征六千里 Day 3 下

原本巡遊之後係返東京，去一間傳統舊式嘅燙。但係自己酒店都有得浸，就無謂再畀錢人賺啦。咁就臨時加插期間限定活動。首先去醫肚。

喺東京嘅品川轉車去下一個目的地。想去食某連鎖店嘅米堡。喺JR站內見有方向指示，但係要入閘。兜咗幾次都唔見有其他通道。於是問職員啦。佢話我先頭搭地鐵，經呢度去商場要畀過路費150 yen。孤寒種當然改去目的地先食啦。

間嘢喺原宿有分店。星期日原宿到處都係人，間嘢都唔例外。

因為我啲爛日文，到我落單嘅時候，外籍店員姐姐叫我講英文。但我係睇日文餐牌，佢係都叫我用英文餐牌。佢嘅排版又唔同喎，當堂唔知自己叫乜好。餐，可以自選薯條，沙律等。

阿姐就話一係薯條，二係沙律， 三係。。。咁我就話呢個set 配薯條。。。佢問邊個號碼呀? 。。。。頂佢！

臨時活動係去代代木公園。（去錯入口）

當日係星期日，超多人塞滿行人路。我就跟其他外國人行出馬路。。。好快就入到。

八十年代嘅街舞。睇嚟舞者都係嗰個年代嘅大叔。

坐滿人，似去咗星期日嘅中環。

我地同全部人一樣嚟呢度賞櫻。

呢個公園好多人嚟放狗。而呢位就有啲誇張。

之後嚟到呢個廁所。

介紹話呢個係透明廁所，閂門就會變唔透明。。。。可是依家係冇咗透明功能。有德國嘅遊客好似我一樣想睇呢個廁所。

特別嚟到赤坂，想去睇一間有凌空無形按鈕自助收銀機嘅七仔。。。點知全棟大廈維修。。。

再嚟到東京站。

撇甩友人行街街。

但係我有免疫力添。只係買咗少少嘢。

係車站隔籬嘅商廈有一間無人便利店（睇呢邊新聞介紹）。

唔使事先登記。入去攞嚟想買嘅嘢。啲嘢唔使scan, 自助收銀機就已經即時知道你攞咗啲乜。

晚餐嚟到Saizeriya，體驗日本嘅平價西餐。