長征六千里 Day 7 上

計畫行程時友人要求要去富士山附近。咁就去箱根嘅溫泉旅館宿一宵啦。

箱根有一個Hakone Free Pass，兩日6000 yen, 由新宿出發包差唔多區內所有交通工具及小田急線來回新宿。

我哋就買咗電子版，全程要用手機show 個QR code。而個 code 係不斷更新，所以用呢個版本手機一定要上到網。買實體版嘅話，據當日所見，條隊超長。

 4 月 11 想早啲到箱根，於是喺繁忙時間推住行李由東京出發，好在上到車。

旅館離車站唔遠，但係推住行李落山就幾辛苦吓。

所訂嘅旅館係歷史建築。揾入口時以為呢度係啲乜乜爛屋，門又冇自動開喎。。。。兜咗個圈都搵唔到入口。於是又嚟番呢度再睇睇。。。。。

低B仔見入面有行李，應該係入口嚟個喎。門冇開。。。原來係要自己動手嘅搪門。哈哈。

未夠鐘check in，放低行李就跑行程，盡量用盡個pass ，但係要六點半前返到旅館食飯喎。

搭登山纜車，

再轉吊車。

車內冇乜人發現呢個玻璃地板。

嚟到大涌谷。

當日好大風，我哋衣著單薄，感覺好凍。

有一班泰國大媽影相，襯冇人影一影就算。

溫泉蛋。之前已經提醒友人係同普通烚蛋冇分別。但係要取暖，所以買咗一包。

太凍，於是行吓間博物館。

喺博物館認識咗溫泉蛋嘅製作過程。

船個pass 都包嘅。

因為凍，冇乜人上甲板。室內好多人冇位坐。

太晏，求其上咗岸喺附近食個 lunch。（類似照燒雞）