大鄉里新發現@Salzburg

呢次無無聊聊喺Salzubrg有新發現.

依家Makarlsteg橋有個攝影展.係一個攝影家影咗唔同種族嘅薩爾斯堡人.

睇報導話Salzburg啲馬車冇屎片架,佢哋開始學習維也納嘅做法.咁我就留意吓,真係冇嗰喎.

啲馬開大就直落地下. 維也納啲馬後面有塊嘢兜住. 有時唔係好work,但係好過冇吖. 而呢度好搞笑,有專人跟住馬車尾掃馬屎架. 咁又唔係架架都跟嘅.

我發覺奧地利最先進嘅嘢唔一定喺維也納有先. 好似呢個太陽能垃圾桶,第一次見. 一個呢啲垃圾桶=7個普通垃圾桶.好慳位播.可惜當時我冇垃圾,唔知佢會唔會轟轟聲.

小心! 有鴨仔橫過馬路.

維也納依家成日promote叫人用'電'單車.但係都唔知邊度有得差電.點會普及吖. 喺Salzburg 嘅大街畀我見到有差電站.咁先係加嘛.

話時話呢度單車好鬼貴架. 聽講成日畀人偷添(偷去東歐).破案率只係3%.

我喺Salzburg個to do list裡面有一項係shopping. Shop乜??就係去一間唐人超市買嘉頓威化. 維也納唔見有港貨賣架. 可能呢度啲中國人多數係大陸黎佢哋只係入大陸貨. 上次黎發現呢間舗,但係今次冇乜味道選擇.普通味道我會買奧地利貨囉. 特別味道只有榴槤,我又唔食.唯有買呢包,支持吓港貨.....但係唔好食嘅. 又買咗一包德國版日清咖哩撈麵. 維也納未見有.

Window shopping時見到呢個.個design幾得意.

呢個唔睇圖都唔知要黎做乜.

又畀啲嘢大家估吓.呢個嘢有乜用呢?

同佢有關. (間酒店幾有心思,戴咗egg warmer,好似個人仔咁.)

呢個係開蛋器. 首先罩住個頂,拎起嗰粒幾重吓嘅珠仔.高處撞擊.

如果個蛋型fit嘅話,個頂會吸埋出黎添架. 酒店有得賣,差唔多24歐一個.