中咗Xmas markets毒

星期六個friend個friend 嚟咗維也納,咁佢話行Xmas markets.我又跟埋去. 喺Maria Theresien Platz等.

呢日超多人呀.仲係大部份係遊客(因為前後左右都唔係講德文架)

經過MQ

終於明白點解呢度啲聖誕裝飾咁簡約.因為咁已經好靚.

到咗Spittelberg個Xmas market.

呢隻牆角嘅獅子咁樣睇幾古怪.

Spittelberg呢個地方有好多個性小店.好似呢間就有好多貓貓畫.

個market都係有食呀,買呀.

但係啲嘢有啲都幾有特色.

呢檔好多人圍住.咁我又去八吓. 打鐵?? 原來係整mini馬蹄鐵.

奧地利好興咁架.一快黑麵包上面放啲餡.

呢度飲嘢隻杯都幾靚.

我唔鍾意飲Punsch架(熱酒),小朋友嗰啲Kinderpunsch(熱果汁)都唔鍾意架.但係今年開始接受咗Kinderpunsch.
加咗0.9 euro,多幾粒berries.

喺Spittelberg附近發現咗一間墨西哥人超市.

而呢間係韓國人開嘅,有好多韓國日本kitty products架.

另外發現一間番梘舗.

最後又去Schönbrunn.

可能係週末.呢度多咗個天使. 但係佢有鬚.好嚇人囉.

又有人唱聖誕歌.