奇瑪咖哩

早前跟blog 友 Almaly整咗個奇瑪咖哩。整呢味餸我唔同 嘅係屋企冇咁多蕃茄，又冇酒。另外我冇去買日式咖哩，用咗屋企嘅出土文物...咖哩粉（食唔死！）

肚餓！快快影咗相就食lu。

講東講西＠科隆

科隆去過好多次。今次都冇乜點行。

去咗一間教堂，第一次見咁認真。整咗耶穌離開馬槽嘅佈置。

Hong Kong Top Ten

突然想知香港興乜英文歌. 第一時間諗起Hong Kong Top Ten。

一睇...都係嗰句，太另類喇。完全同世界脫節。

第一位嘅Justin Bieber(佢串錯字）...我呢邊唔係好興佢播。唔通英美依家hit? Check吓Billboard同英國榜都唔見佢。見佢係加國人，check埋加拿大都唔見佢。

第二位Marit Larsen首歌我呢邊係０９年夏天大hit,乜咁遲先去到香港呀？

除咗Bruno Mars, Black Eyed Peas依家世界大hit外。其他一係另類一係已經out咗。

呢個台（我估全香港都係咁）只係播唱片公司想谷嘅歌。 因為呢個情況，我聽英文歌唔聽呢個台架。

designer活動

科隆國際傢俱展其間民間都有designer 嘅活動。呢個Designers Fair係喺住嘅地方無意中見到個宣傳牌。

科隆國際傢俱展下

喺傢俱展度,我見有啲大公司嘅booths好似下面兩幅咁,遮到密一密. 雖然好多人係會嚟抄款,但係咁我唔想入去睇囉.

科隆國際傢俱展上

今次去科隆又係去睇佢個imm國際傢俱展. 睇得多,傢俱嚟嚟去去都咁. 我開始係睇吓啲佈置.

Allergy Testing

我有鼻敏感. 但係喺度食咗隻藥後,停咗藥幾年都冇發病. 唔知點解最近又發作. 同時冬天我都會有蚊瘌. 冬天點會有蚊呢. 心諗我一定係對有啲嘢敏感.

今日去咗做個allergy tests. 可惜我冇帶相機. 咁我事後畫少少嘢輔助解釋先.

首先醫生問我有乜問題. 講晒就去做test.

護士喺雙臂貼上膠條, 膠條上邊寫咗唔同嘅動物,食物. 跟住喺相對位置篤一啲液體. 然後等二十分鐘. 未夠鐘都見有反應.

因禍得福?

噚日返咗維也納. 返嚟時通霄火車又係去嗰種車卡,想擺個位瞓直,我9點幾就去瞓喇. 通常人哋見你瞓咗都唔會入你嗰卡. 呢招好用架 第朝醒咗見駁咗呢一卡,我都係第一次見.

Alizée

懷舊一番講完法國靚仔,又講吓法國靚女先.




Alizée我以前keep住都有買佢啲碟嘅.


但咁冷門嘅歌手居然我見過香港有老翻賣. 我就買過佢嘅老翻演唱會睇.佢嘅台風...一個字,好似條蛇.扭呀扭.

超市藝術

唔講咁多,大家睇睇.

2 Be 3

Internet 嘅普及.90年代中我又接觸番法文歌. 2 be 3係其中一個我最先接觸嘅.

新波凸

最近收咗啲小禮品. 對我嚟講係新嘢,因為我呢度啲嘢遲過香港.好似我估香港有咗年幾嘅I am not a paper cup(網上圖片)我最近先見呢度有得賣.

Toast stamp

多謝blog友Lili Marleen單咗聲我知最新一期德文海綿寶寶雜誌送toast stamp. 呢啲公仔書多數都有嘢送. 而送嘅嘢啱我我都會買架. 另外雜誌啲德文又啱我呢個低B level.

過隔離睇展覽(未入正題篇)

禮拜晚出發去咗科隆睇展覽. 維也納個 Westbahnhof西站重建中. 但係個main hall已經啟用. 一早到咗火車站見仲有時間於是四圍八吓.

脆煎雞扒

見blog友Da Da整脆煎雞扒先醒起未跟師傅呢味餸喎. 但係諗起雞扒要自己起骨又唔想整播.

睇睇吓都係受唔到誘惑,都係出手啦.

呢次係第二次起骨,感覺易咗好多.

屋企冇酒,唯有醃雞唔用佢囉.

個汁好好味.

自己食,上碟一塊過,唔好煩.

呢個分類封咗塵

我呢個懷舊一番分類封咗塵好耐.冇乜嘢講就講吓呢個話題啦. 今次轉一轉介紹法文.

我第一次接觸嘅法文歌應該係下面呢兩首. 我個年代,未有internet, 冇MP3 download. 法文歌都係靠聽電台先識. 記得以前港台每個禮拜都有個法文歌節目. 每個禮拜我都有聽架.

Auto 2011車展

同旅遊展同一地方同一時間有個車展.今年特別在有老爺車睇.有啲係賣架.

Ferienmesse旅遊展

噚日又係一年一度嘅旅遊展. 年年去其實都有乜新嘢睇.今年見有印尼. 個booth仲有煮好嘅即食麵派畀人食. 但係香港今年連一張枱都冇. 香港好似以為有大陸客就得咁.

又入平貨

12頭收到上面張傳單,又有平Simpsons 嘢買.但係因為佢分店唔多,咁一直都冇去. 最後終於光顧. 買咗自己會用嘅...

炸雲吞餡

上次包雲吞覺得好成功.所以除夕開餐又整呢味宴客.

呢次準備多咗餡.包晒雲吞皮又唔想去買.咁剩低啲餡煮乜好呢? 正想下次食即食麵當打邊爐啲丸食時,突然有個idea炸咗佢食啦. 於是好似炸豬扒咁,上麵粉, 蛋, 麵包糠.

OK喎,好味喎.

同場加影奧地利名菜炸磨菰,都係咁炸架咋.

行三個幾鐘科技博物館4

終於係最後一篇喇!

行到呢part係講通訊.

德國蛋

(picture from Oriental Daily)

我諗最近大家都好關注德國蛋. 好彩我呢度個個都支持(奧地利) 國貨.好少有德國入口肉類同雞蛋.

而我呢個C9仔(我真係仔喎)唔會同大家討論呢樣嘢. C9梗係講吓買餸啦. 我睇報紙時見到上面幅圖,好驚訝呀. 乜德國蛋6蚊4隻咁平架??!!! 我呢度啲奧地利蛋最平都兩個幾港紙一隻啦. 呢啲德國蛋山長水遠去到香港都仲平過我呢度. 睇黎我呢度啲嘢食水好深.

廁所之神

有時唔想太out. 見到yahoo熱門字都會search吓. 噚日就被呢個'廁所之神'吸引咗. 原來係一首歌嚟. 呢首慢歌,歌詞唔係太深. 好容易跟住唱. 歌詞內容都好感人.

以前我哈日年代,我啲Jpop好熟架. 但係好多年都冇聽lu. 完全out晒.

行三個幾鐘科技博物館3

嚟到呢part係講樂器,開正同鄉嗰範.

鬼佬新春行好運

禮拜二睇報紙見六合彩有580幾萬歐喎. 禮拜三開彩. 咁買咗電腦飛,但係禮拜三嗰晚開唔記得睇. 記得嗰時上網check. 佢話唔中,都預咗啦.

到今日心血來潮再check吓. 中咗? 又中? 嗰晚我key錯獎券號碼? 嗰晚個網未update? 好彩冇dump張飛啫.

中咗9歐幾,扣除成本,只係得兩歐幾袋袋咋. 出去餐廳飲杯汽水都唔夠畀. 大家唔好叫我請食嘢呀.

行三個幾鐘科技博物館2

隔咗好幾日,講番行科技博物館先.

呢一part係睇交通工具.

呢個係已經冇咗嘅維也納北站. 維也納真係冇一個咁古典嘅火車站可以保留到.應該係二次大戰嘅關係.