前排個BNO就到期因為未有plan返香港所以一直搵資料點續.原來奧地利英國大使館係唔處理同解答有關護照嘅事. 住奧地利嘅人續護照係要將正本護照,香港身分證,住址証明,信用卡付款表格,相片寄去德國Düsseldorf英國領事館.
當然仲有申請表啦.大家有續過BNO都知道最煩係搵人加簽.以前喺香港呢個我反而係最簡單,因為喺公司擰轉頭已經有人可以簽.嚟咗呢邊搵邊個簽呢.求其搵咗個唔係佢list出嚟職業嘅人,又得喎.
當然仲有申請表啦.大家有續過BNO都知道最煩係搵人加簽.以前喺香港呢個我反而係最簡單,因為喺公司擰轉頭已經有人可以簽.嚟咗呢邊搵邊個簽呢.求其搵咗個唔係佢list出嚟職業嘅人,又得喎.
德國呢邊睇完啲文件會寄番嚟.護照喺英國印好咗會喺英國寄出.所以護照個簽發地係IPS(Identity
and Passport Service).
and Passport Service).
收番文件同收護照時間只係差一日架咋.但係我呢邊速遞係好求其.收護照嗰日咁啱唔喺屋企,佢求其喺大廈搵一家人收.
睇吓本新護照,頁頁唔同有啲似圖畫書.
根據IPS寄嚟嘅資料,佢哋會逐步將全球嘅護照印發會搬番去英國整.我覺得都好架,唔使去排隊申請,方便.但係會貴咗. 因為好似呢次咁,我係要畀埋速遞費用架.
另外有樣嘢香港奧地利領事館係唔會話你知,以我觀察所得,嚟奧地利工作,讀書...用BNO係方便好多.
唔少歐州網友都有類似經驗：係歐州呢邊工作/讀書，even攪/居留：BNO方便D！尤其而加攞BNO去其他神根公约國都唔再洗签證（以前係HKSAR passport先免签証）過境D邊防見到係UK封面passport就叫你過，乜都唔check!
回覆刪除[版主回覆11/19/2011 05:00:26]越黎越少人搵BNO,如果佢地知道方便D,唔知會唔會申請番.
我在日本續BNO，又是最煩是搵人加簽，因為我週圍都是啲阿伯阿婆，無乜人有資格簽，我去年新簽了十年，好似做埋我後，日本的英國領事館都不再做這工作了，九年後先算！
回覆刪除[版主回覆11/19/2011 05:01:54]你到時會唔會係寄去HK處理再o係英國印呢?
咩人可以做加簽？
回覆刪除[版主回覆11/19/2011 05:08:13]Member of Parliament, Justice of the Peace, Minister of Religion, a professionally qualified person (e.g. Doctor, Engineer, Lawyer, Teacher), Bank Officer, Established Civil Servant, Police Officer who has known you personally at least two years and who is a Commonwealth citizen >> Form Notes 資料.
咁你得閒揭下本新護照咪當左去環遊世界囉...連機票酒店都慳埋...發達啦你XDD
回覆刪除[版主回覆11/19/2011 05:10:55]啲圖畫唔靚架.
阿 Sir 以前都好常同人家加簽 BNO， 依家就少咗喇！
回覆刪除[版主回覆11/19/2011 05:14:49]越黎越少人攞BNO
BNO 的確係有方便之處，不過有時見你係黃皮膚，亦會問多兩句！
回覆刪除[版主回覆11/19/2011 05:15:17]呢邊又好似唔覺問多兩句
依家香港人好少渣住本BNO，我本BNO都唔知去左邊lu...
回覆刪除[版主回覆11/19/2011 05:15:28]越黎越少人攞BNO
呢家D passport 貴左好多。
回覆刪除[版主回覆11/19/2011 05:17:44]呢次俾咗一百七十幾歐呀!!
我本BNO過期好耐囉喎, 唔知仲有無得續呢??
回覆刪除[版主回覆11/19/2011 23:06:27]聽講可以續架.
完全搭唔到咀...
回覆刪除[版主回覆11/19/2011 23:09:38]明白..
我都冇續BNO，改咗用特區護照囉!
回覆刪除[版主回覆11/19/2011 23:11:06]越黎越少人用.
本人現在還是英國其中一個公會會員，認識閣下都有兩年，應該有資格替你加簽？
回覆刪除[版主回覆11/19/2011 23:11:41]咁十年後我搵你加簽
冇計劃返香港....咁你攞左$6000蚊未呀!
回覆刪除[版主回覆11/19/2011 23:12:53]上網搞咗,等收錢.
特區護照好用d呢, ie 土耳其, bno need visa but no sar...
回覆刪除[版主回覆11/19/2011 23:14:34]我o個次去土耳其用特區護照,全機得我一個唔使去搞visa.
我冇續 bno
回覆刪除[版主回覆11/19/2011 23:15:50]越黎越少人用
我上年返香港時續的，時間好趕，佢最初唔肯，叫我用住特區護照先，返來之後係呢邊申請。但我係無攞過特區護照，最後好彩佢肯俾我排快隊，係我飛前一日俾返本新護照我。見咁，所以上年都申請埋特區護照以備不時之需。我冇用過特區護照唔知入境係點，但我攞BNO，我就覺佢哋當係英國護照咁，唔多望。
回覆刪除[版主回覆11/20/2011 05:47:52]我兩本都有. 邊個國家旅行唔使簽證咪用邊個囉.
係啦. 歐洲好多人都以為BNO 係英國護照. 我以前老細同人講話我揸英國護照. 以仲試過用BNO 扮英國公民, 係歐盟某D博物館慳咗唔少錢.
回覆刪除[版主回覆11/20/2011 06:01:41]我呢邊直頭當英國護照添呀. 換護照要加簽架.
[Swedish Hongkongese回覆11/20/2011 05:47:45]另外換護照要搵第三者簽名架咩? 我五六年前係香港換都唔洗架喎. 自己去就得... 唔通我記錯?
本來我都唔準備續架，不過出年想去玻利維亞睇天空之鏡，特區護照唔可以入境，唯有俾千幾銀去續啦！
回覆刪除[毛豬豬回覆11/25/2011 12:48:47]毛毛唔去得啦!
[版主回覆11/21/2011 03:21:34]毛毛都去??
之前清邁嘅英國領事館都發新護照, 依家唔做要寄去香港, 我到時乘機有藉口返香港親身去整. 哈哈!
回覆刪除[xxl回覆11/22/2011 09:43:46]吓! 乜咁怕醜, 唔見得人. 全部要寄去真麻煩.
[版主回覆11/22/2011 06:25:28]我睇過資料香港都係寄,親身去唔受理架!!
求其搵人加簽都得架, 我呢個C9仔都幫人簽過啦.......
回覆刪除[版主回覆11/22/2011 06:24:16]我都幫人簽過一次咁大把. heheh
聴過有人本BNO好似過左期（超過一定期限）無去renew、結果要攪多幾様麻煩手続先至有得renew BNO wor... 我既BNO都過左期lor
回覆刪除[倭国団長回覆11/22/2011 10:51:03]凡passport都係終身架lah, 除非選択脱離国籍lor..不過HK人従来都無英国国籍架wor.. 此所謂終身又如何講得通？
[版主回覆11/22/2011 06:16:00]我都聴過會煩d. 但係BNO係終身,佢一定會同你renew架.
香港申請續BNO 都要成千銀
回覆刪除[版主回覆11/23/2011 06:26:06]呢次我俾咗一百七十幾歐呀!
New UK passport design wef December 2015 - please see link below -
回覆刪除https://www.gov.uk/government/publications/new-uk-passport-design
我o尋日都睇咗HK方向報報導。
刪除