開工.... 睇戲

上星期由柏林返嚟就即刻開工....睇戲.

德國片Das
Haus Anubis – Pfad der 7 Sünden

故事講古代有個新娘悔婚,新郎將對婚介揼咗.
到咗現代一pair年輕戀人同埋佢哋啲friends去旅行,男主角去古董店搵定情信物.老闆送咗呢對婚介佢.佢哋一戴咗魔介.古代新郎出現,仲搶咗女主角返古代.男角同啲friends都跟咗一齊去古代救女主角.但係佢哋要過7關>>嫉妒, 貪婪，暴食，色欲....咁佢哋過唔過到呢.另外新娘悔婚原來背後有人搞鬼.

Das
Haus Anubis係德國nickelodeon兒童台嘅電視劇.似乎幾受歡迎架.雜誌,Nintendo
DS game...都出埋.

可能僆仔僆妹入場都係睇偶像,齣戲都幾兒戲吓.

第二齣都係德國片,
Was Weg is, is weg.

故事講三兄弟(圖中三人),有日餐廳老闆冇錢,被人封舗.三兄弟中嘅保險佬教人工傷冇咗手指賠幾多,手掌賠幾多,手臂賠幾多.餐廳老闆黎真,走去想割手.大家當然制止佢.但係意外有人一撞,真係割甩咗.餐廳隻狗仲擔咗走.大家一齊追.喺餐廳工作三兄弟中嘅肥仔又唔知做乜執埋行李走人.大家以為隻手喺件行李度.而隻手展轉去咗三兄弟父母屋企.佢哋見到隻手唔知點做好....

呢齣係黑色喜劇,但係啲角色好重鄉音.我完全聽唔明.當然唔識笑啦,仲睇到差啲瞓著.

最後係The
Grey.

故事發生喺Alaska,講一班人遇上墜機,只有8人生還.
佢哋自救,決定離開呢個地方.但路上,野狼襲擊佢哋....有冇人逃出生天呢?

呢齣啲演員嘅英文好似鬼食泥咁.聽c我.