維也納黃金豬中尋

黃金豬扒（Wiener Schnitzel）是維也納著名傳統美食，素以脆炸的金黃色外層，肉質鬆軟唔嚡口而見稱，吸引不少人慕名前來尋「金」。嫌找間餐館翹埋雙手等食黃金豬太悶？在這裏大可走進廚房親手炮製，體驗親手「煉金」。

想煮出一手正宗維也納菜，不妨找土生土長的維也納大廚Bernhard Deimbacher幫手。他曾在美國、澳洲和杜拜等地工作，後來跟一班志同道合的大廚在維也納開設了Kochen in Wien廚藝學院，主力培訓年輕廚師，閒時則跟大班人齊齊玩煮飯仔，教大家煮正宗的傳統維也納菜。

Bernhard為我們準備了共3個Course的食譜，除了主菜黃金豬扒配薯仔沙津，還有Semolina Dumplings牛骨湯及杏脯醬班戟作頭盤和甜品。在大家親自落廚前，Bernhard先帶我們到著名的Naschmarkt買食材，並教大家煮黃金豬扒的秘訣。他指出，黃金豬扒賣相跟一般炸豬扒差不多，製法並不複雜，但要把豬扒外層炸成金黃色，兼且內裏夠Juicy，便最考功夫。除了豬扒要新鮮，落鑊前的「揼揼鬆」步驟絕對少不得，力度的掌握更是關鍵。然後大家便正式開始「動工」，由備料到落鑊全程有Bernhard從旁指導，即使像我這些沒有入廚經驗的「無飯」太太，也像女廚神上身，表現得有板有眼，不用1小時便有得食。

地址：1 Stock im LeinerHaus, Mariahilferstrasse 12, A-1070 Wien
時間：10:00am~6:30pm（星期二至五）
費用：Cooking Class每位€135（約HK$1,377），每班最少10人參加，完成後每位學員獲發證書一張及圍裙一條。
網址：www.kochen-in-wien.com
交通：乘地鐵至Museumsquartier站下車，徒步約3分鐘即達。

2月3 東方日報


---------------------------------------------------------------------------------------
無意中睇到上面篇介紹. 記得睇過一個本地電視節目, 正宗維也納炸豬扒除咗又大又薄之外,仲有外層係要波浪形.   咁即係會甩皮啦.  呢個我係最唔like. 睇 嚟唔正宗 嘅先啱我.