又係睇戲時間

又係睇戲時間.
唔知乜事呢排都有法國片上.
Mademoiselle Populaire法文原名只係Populaire.

故事好簡單,睇開頭已知結局嗰種.故事發生喺50年代,女角想搵一份當時個個女士都夢寐以求嘅工作...秘書.見工期間,老闆發現佢個驚人打字速度.請咗佢,仲訓練佢去參加全國打字比賽.愛情故事亦同時展開.

大家如果懷念打字時啲嗒嗒聲同打到每行尾叮一聲嘅話,可以去睇吓.

香港話5月尾上.




另一齣係英文片.
I give it a year. 我會譯> 睇C佢哋冇一年.

我呢啲咁低俗嘅名,冇人會咁譯啦.
香港4月11上,叫救婚365日.

個故事Yahoo都有介紹,我直接吸出嚟啦

故事簡介

公關女強人娜妮(露絲拜恩 飾)和小說作家祖舒(拉菲斯波 飾)相識無耐就閃婚，但熱戀過後，卻發現麻煩問題多籮籮！結婚9個月以來，他們逐漸發現彼此間的生活，總係「向左走向右走」。老婆擁有超強事業心，喜歡出席上流場合Fine Dinning；老公卻天性吊兒郎當，事事無所謂，日日無世藝。加上床上性事不協調、幫手輔導的婚姻顧問又騎呢到爆…每項問題都足以致命！另一邊廂，祖舒惹火又風趣的舊愛嘉兒(安娜花拉絲 飾)，這時竟然出現翻兜；而娜妮身邊，又有Chok爆兼事業有成的才俊佳爾(西蒙貝克 飾)，出手喪媾！此情此境，令兩人頓時質疑，枕邊人是否自己的理想伴侶！尚有90日才滿結婚一週年，祖舒和娜妮能否排除萬難，重新修補關係？抑或是「分手要狠」，及時回復單身人生？

呢齣戲唔睇到尾都唔知個結局.但係我覺得笑料唔多囉.