2014年4月29日星期二

追劇

 
內地當局近日展開"掃黃打非-淨網2014"行動,近期在多個內地視頻網站播出的美國劇集,已經悄無聲息地停播。根據廣播電視總局的最新規定,視頻網站亦 要遵守先審後播規則,意味美、英、韓、日等國家的劇集,今後亦不可能與外地同步播出。報導又說,過往內地網民可以瀏覽的日本色情影星的網頁,幾日前開始已 經不能再瀏覽。

惡耗呀!! 我估係上邊個原因,我睇開live日本台冇咗呀!!  

依家冇咗live電視睇,多咗時間,咁煲吓日劇啦. 今季日劇開始咗兩三星期. 睇邊套好呢? Search過日本收視率,暫時最高收視係『花咲舞不會沉默』. 講銀行啲黑暗. 似似哋《半澤直樹》
 
收視第二係愛情故事,冇興趣. 咁睇第三愛麗絲之棘. 係啲復仇故事. 我覺得好睇喎. 希望有人繼續upload
 
btw港時我都有追美劇架. 但係幾年前睇唔到土豆,吊咗癮lu. 德國播美劇又配咗音. 唔睇佢. 最近發現瑞士台係有雙語,咁又睇啦. 但係都唔滿足. 上網search居然搵到個美劇網,即刻追The Amazing Race, Survivor.
因為我已經outdate. 睇吓明珠台有乜好介紹啦. 揀咗Face Off. 似似哋Project Runway. 睇咗幾集見啲怪物都係大同小異. Skipskip吓咁睇. 已經睇完今季邊個勝出了.
 
另外我鍾意睇sitcom. 出咗好幾季嗰啲因為太多集,唔想追. 咁搵咗Friends with Better Lives. 劇中有好多有味對話,幾好笑. 一定會追看.
 

73 則留言:

  1. 大陸唔俾睇, 送d仔女去美國睇.
    你估咁易禁到咩 , 低低地既 !

    回覆刪除
  2. 我都好鍾意睇The Amazing Race! 以前澳版做個陣會個個星期追
    但家陣都好少追劇囉... 無聊個陣先會搵套來望下

    珮夫人

    回覆刪除
  3. 咁得閑唔去上堂學野?政府冇俾你喱啲新移民免費學德語咩?學EXCEL 都好呀!

    回覆刪除
    回覆
    1. 新移民學德語只係津貼,冇免費架. 而我呢d HK黎o既假英國人佢當係EU人,津貼都冇.

      刪除
  4. 好少睇電視,答唔到嘴!

    回覆刪除
  5. 對ykk冇影響!從不知道!

    回覆刪除
  6. 大陸,真係一個好封閉既國度⋯⋯

    回覆刪除
  7. 依家興追韓劇喎,你個list無。

    回覆刪除
  8. 最有印象係第一季survivor 好記得最後得番一個阿伯同一個超串中年男人爭不過都係伯伯輸咗

    回覆刪除
  9. 第二套日劇好似0係上野樹里 (即係之前做野田妹?)果個?
    而家明珠播緊master chef 3 好似唔錯?

    回覆刪除
    回覆
    1. 係呀. 係野田妹.
      咁我又望望master chef睇吓啱唔啱睇.

      刪除
  10. 都係24小時,點解好似你咁多時間做到咁多野

    回覆刪除
  11. 我鍾意日劇,但一定要有中文字幕。
    最近剛睇完半澤直樹,遲的或會翻睇神探迦利略!

    回覆刪除
    回覆
    1. 睇日劇我都要有中文字幕架先明架.

      刪除
  12. 會唔會你收開的日本台, 間中會播啲情色內容呀??!!
    通常一有啲唔對路,就會cut.......

    回覆刪除
    回覆
    1. 佢係乜海外台都冇咗(包括HK). 實質係唔想國人接觸海外資訊.

      刪除
  13. 我乜劇都無睇, 根本無時間睇電視.

    回覆刪除
    回覆
    1. 你要溫習(同囝囝),真係冇乜時間.

      刪除
  14. 我想用手機睇劇,有乜好介紹點睇呀?

    回覆刪除
  15. 有上野樹里做主角喎,我諗遲下無記都會買來播!
    依家周六睇果套米倉涼子Doctor X也不錯,手術場面幾真,米倉幾有型!
    咁你幾十歲人睇少啲筍嘢對身體都好嘅,可以早少少訓唔駛捱夜咁「傷身」XXXXXD

    回覆刪除
    回覆
    1. 咁我又睇吓Doctor X 啱唔啱我睇先.
      你講到咁似睇黃網o既??

      刪除
  16. 咁咪啱囉!
    侵權犯法嘢咪做
    你都喺收心養性喇:-P

    回覆刪除
  17. 我呢排日追夜追韓劇呀!

    回覆刪除
  18. 我都鐘意睇美劇, 好彩大部分都有雙語 ^^ 有無睇過 Game of thrones?
    英劇都幾好睇架, 最近係呢度睇完 The Fall 同 Sherlock Season 3, 遲D播幾年前既 Black Mirror, 我未睇過, 不過會追
    最近既 Sitcom 就最 like Modern Family, 笑死我

    回覆刪除
    回覆
    1. 英劇我唔係太好. 可能唔多習慣英國口音.

      刪除
  19. 我好out, 好少睇電視呢。。。。

    回覆刪除
    回覆
    1. 要照顧大小豆我估你都冇乜時間.

      刪除
  20. 回覆
    1. 唔知有冇影響咗d小x盒子,TVpad呢?

      刪除
  21. 一追劇就周身唔得閒 lu .

    回覆刪除
  22. 我追緊Drop Dead Diva^^~~~~ 好好睇嫁~~~~~~

    回覆刪除
  23. 我而家都好少睇電視,好多節目都係睇咗第一,二集就無興趣追落去,我仲睇緊嘅只有chicago fire同growing up fisher,chicago fire係講消防員,其中最靚仔嗰個消防哥哥仔係lady gaga嘅男友。growing up fisher係sitcom,講一個盲人律師嘅趣事,係真人真事改篇。
    幾年前有套叫ringer,Sarah Michelle Gellar担任主角,都好好睇。
    其實有好多網站可睇,但只限美國IP,有無試過yidio.com?
    仲有你去圖書館睇吓有無DVD可借,DVD通常有幾種語言可揀。
    你度用唔用到netflix?

    回覆刪除
    回覆
    1. chicago fire我係中間開始睇. 有時間要追番之前o個d
      yidio.com要錢o既,唔睇.
      啱啱check咗,我呢邊唔可以用netflix

      刪除
    2. yidio 有啲係免費㗎,你試吓揾The Amazing Race或Chicago Fire,每集有得揀收費定free
      TV Shows右邊個menu有Chinese drama,我見有"天與地"都係free,不過我未睇。

      刪除
    3. 我click free o個d個個都係暫時未有...

      刪除
  24. 以前响sydney都有煲劇和追劇, 而家冇嚕!

    回覆刪除
  25. 王子, 我介紹你睇最近一季日劇的" Mozu "西島秀俊主演,你有無睇過竹內結子的草莓之夜?西島就是在草莓內演菊田那位,這套" Mozu "好睇架,而 " Border" 就係小栗旬主演的,你試下找不找到啦,我也是在網站上找到的。

    回覆刪除
    回覆
    1. 兩齣都搵到. 睇簡介好似幾吸引. 會睇.
      btw Mozu 日本6月出Season 2.

      刪除
    2. 另外一部是由Arashi既 leader 大野智主演的叫" 死神君",不講因為我是佢地既 fans而看,呢部係以另一種手法看死亡的黑色劇, 根據漫畫拍成的, 個人覺得當中有些對白雖然無奈但有另一番意義, 如你有興趣也可以找來看下喜不喜歡呀!

      你有無睇過英國 BBC 拍既Sherlock Homes 呀, 出左 3 季了, 一句講晒..好睇, 睇下你有無興趣睇啦.

      刪除
    3. 英國片興趣唔大,可能聽唔慣d英國口音.

      刪除
  26. 呢排真係不時聽人講呀, 但我已經追唔到劇好幾年...唔知搞咩~~

    回覆刪除

入咗嚟,不如寫幾隻字,留個言啦.