甜酸齋,咖哩齋

我好鍾意食甜酸齋架,但係次次買親亞媽都話好多油,唔好食啦.....

喺呢度想食當然要自己整啦.雖然中超有台灣出嘅罐頭麵筋,但係自己整食得安心好多. 以前個麵筋食譜yahoo執時唔見咗. 最近見到以下呢個,一於開工!

 http://linglingkitchen125.blogspot.co.at/2014/09/blog-post_28.html

 高筋粉 600g,鹽 3g,水 330g

材料混合30分鐘,用水浸過面浸3小時,清水洗去粉漿,直至水變清為止,榨乾水用膠袋包好放入雪櫃1-2小時, 炸. 

有咗麵筋,份量又夠.整甜酸齋同咖哩齋啦. 跟雀后煮個汁.

http://kitva95.blogspot.co.at/2014/09/blog-post.html

我啲鬼佬咖哩粉落極都好似冇乜味. 隔咗夜入味咗,好食好多. 但係甜酸齋先係我飛弗. 下次都係只整甜酸齋.

酸甜味: 茄汁2湯匙、白醋1湯匙、糖1.5湯匙、鹽半茶匙、水1碗

Btw呢個12月不正常地暖,終於噚晚維也納落咗第一入場雪後,變咗正常嘅零下氣溫.