Opatija <--> Rijeka

早幾日個blog又脫咗期,之唔係又出咗巡囉.  

上星期南下老地方避寒. 正當維也納只有三四度時,克羅地亞呢度有十五六度. 好暖呢. 

11月28襯係weekday, 出去Rijeka個集郵counter買郵票. Opatija嘅巴士飛可以喺雜誌檔買. 驚溝通唔到,未出發前做吓功課先..... 來回, 飛, 巴士. 但係雜誌檔亞姐識德文,唔使出動我張紙.另外巴士係車頭上車,但係見啲本地人都唔理,咁我又跟啦. 車上好多人,打印架機又只有車頭有. 迫唔到埋去. 係佢迫我搭霸王車架咋.

去到Rijeka落狗C. 等到冇咁大雨先行.

一大貨車賣柑,第一次見.

Waffle on a stick唔係新嘢. 呢個Size易食好多.

見有個Rijeka Fest當然八吓啦.

土產嘢係平過奧地利. 可惜落雨天唔想拎. 冇幫襯.

又開始落狗C. 山上個Trsat Castle都係唔去lu.

只係去City Tower對面間郵局

集郵counter冇人駐守. 隔籬個counter負責埋.

亞姐識英文,又好好人. 開個website 畀我指.www.posta.hr

學精咗,下次去我都可以上網睇咗先.

呢個trip日日都落雨.(Opatija攝)

冇咁大雨先出去行吓.

一年冇嚟,附近多咗間新酒店.

11月29晚Opatija首次搞聖誕樹亮燈儀式. 但係同一時間係酒店dinner. 都係食飯重要啲.

11月30開Xmas market. 可惜我呢日走.

酒店扭遮機. 20kn平喎,又去扭吓.....都唔係黃雨傘...

酒店大多數係奧地利人入住. 有晚有奧地利歌唱娛賓.

行超市係指定動作啦. 中間盒cookie唔好食嘅. Blacklisted!!

晚餐見聞>

1. 有晚個menu居然搞錯,頭盤,湯,主菜次序大兜亂. 完全睇唔明.

2. 有晚頭盤期中個選擇有cold cut配炸橄欖. 隔籬枱個英文人投訴炸橄欖凍嘅. 個waitress唔明佢投訴乜. 英文人自己走去搵經理啦. 但係我諗炸橄欖人哋個menu都冇話係熱,我又諗唔到奧地利人食cold cut會配乜熱嘅前菜喎. 佢又梗係冇食過日本啲火車便當,炸雞都係凍架啦.

3. 有晚有兩個家庭一齊食飯. 因為兩張枱坐唔到咁多人. Waiter提議小朋友另坐一枱啦. 奧地利人即刻黑面. (又真係未見過奧地利人小朋友係分開坐).