Chinese kip in hoisinsaus海鮮醬中式雞

上面啲係乜文嚟呢？
整理我儲儲埋埋嘅食譜時,出土咗一本去荷蘭時喺一間超市攞嘅食譜雜誌。其中呢個要用海鮮醬. 啱啱好我想清咗用剩少少嘅醬,煮佢。

識德文其實可以估到荷蘭文六七成。加埋google幫助， 睇食譜冇問題。
但係我只想煮佢個汁.其他材料屋企有乜用乜啦.

500g 肉用半茶匙五香粉,兩湯匙粟粉同兩湯匙水醃. 煎熟。
50ml海鮮醬,100ml茄汁加兩湯匙檸檬汁撈勻，煮熱。食時配啲雜菜,搞掂。

個汁微酸，味道係西人中餐囉.  唔係唔好食,用剩少少海鮮醬時可以再煮呢個. 但係......
例牌我一餐煮埋幾餐食,冇晒隔夜飯又唔想煲。咁我將啲肉片切粒,加啲綠色香草,灑啲芝士跟意粉食.估佢唔到係好好食㗎。